#元朗都有！
上年呢間雪糕蜜瓜包開左係銅鑼灣，到今日依然有人將蜜瓜包同菠蘿包混淆，實際上係唔同，而且蜜瓜包係日本嘅麪包，依家元朗都有分店喇！蜜瓜包烘得暖暖，夾入自家制芝士蛋糕同茶味淳厚既抹茶雪糕，食出冰火交融之感！
▲芝士蛋糕抹茶雪糕蜜瓜包($48): 整嘅過程唔算耐，蜜瓜包一到手仲係熱辣辣、焗得脆卜卜，有三層嘅口感，芝士蛋糕好鬆化，芝士唔係太濃但香口，而抹茶雪糕好多啊!!足足有兩層雪糕，雪糕唔太甜，好重抹茶味好好食。
▲炸紫薯波($15/4粒)+炸蝦春卷($20/4條): 旁邊有熟食部，炸紫薯波都有三層嘅口感，最外層係紫薯，中間係糯米，最入係芝士，紫薯波食落煙煙韌韌，芝士量較少但味濃。蝦春卷蝦肉彈牙，炸得脆卜卜。
▲酥炸大大雞扒($26): 呢舊雞扒Size都算大!! 雞扒用嘅肉係雞脾肉，所以食落好滑好嫩，啲粉好惹味，仲有辣度選擇。
▲酥炸花枝丸($12/5粒): 一食就食到魷魚粒，味道偏甜甜地同有魷魚鮮味，而且外層係略略炸過，口感扎實彈牙。
▲同銅鑼灣店一樣，使用上醒目綠色大招牌，唔同嘅係隔離加入炸雞既小食部
世界第2好味雪糕蜜瓜麵包(元朗店)
地址：元朗又新街38號恆富大廈地下10A鋪
營業時間：11:00 – 23:30
文字／圖片來源：香港人.遊香港