雞蛋仔粉絲注意!!
好多人經常標籤天水圍係美食沙漠，冇咩特色小食。咁諗你就大錯特錯，而呢間「津津有味」小食店係唔少學生哥經常幫襯，呢間店既招牌小食係多樣化既雞蛋仔，可以試到吾同好感、唔同口味，次次經過都聞到好香嘅雞蛋仔氣味。
▲最搶眼既當然係王牌四色雞蛋仔($20)，混合咗香芋、密瓜、香橙和朱古力味，一次滿足到你四個願望，啱曬選擇困難症既朋友們。
▲除咗可以品嚐唔同味道既雞蛋仔，雞蛋仔入面有餡料選擇，佢哋推介呢款紫薯味和南瓜味雙併($22)。每一粒雞蛋仔都有紫薯和南瓜，睇落幾健康，食完小心放屁呀! (Just kidding )
▲如果你對一種口味情有獨鍾，佢地有賣單色雞蛋仔。有朱古力、士多啤梨、抹茶、香芋和蜜瓜味，一律$15 蚊。呢個蜜瓜味雞蛋仔既味道香濃帶有一點甜。
▲雞蛋仔之外，佢哋有賣自選一包包冷麵，價錢都非常平。
津津有味
地址: 天水圍天湖路1號嘉湖新北江商場一期地下A95號舖
文字來源：香港人.遊香港／圖片來源：comeonletsgo、eggbbjai、tsuiyatfung、horseshoe_lane