美食速遞2023｜人氣甜品網店超多口味麻糬鬆餅+巴斯克蛋糕中秋限定鹹蛋芋泥巴斯克芝士蛋糕

講到下午茶甜品，英式鬆餅同巴斯克芝士蛋糕絕對係好選擇。而呢間人氣網店就係主打各式口味嘅Scone同巴斯克芝士蛋糕，甚至加入麻糬，令口感唔會咁單調。網店以Scone起家，除咗有經典嘅原味同綠茶味之外，仲有好多特別同限定口味，例如開心果味、焙茶無花果味、伯爵茶麻糬味等，細細粒咁，用嚟送禮或者做散水餅都好適合。如果對Scone嘅興趣唔大，佢哋仲有唔同味道嘅巴斯克芝士蛋糕，同樣都有加入麻糬嘅款式，例如無花果伯爵茶麻糬味，口感味道都超豐富！

最近臨近中秋，佢哋仲推出期間限定嘅鹹蛋芋泥巴斯克芝士蛋糕，半軟心的蛋糕加上厚實芋泥，鹹甜滋味雙重奏！呢款口味做到10月1日就冇啦，想食就要快啲預訂。