西藏，一個人文自然天堂。每年都吸引無數旅人去觀光，當時小編仲係錢重要過時間既階段，膽粗粗咁就揹起camp bag，兩人成行。搭火車上廣州就聽得多，搭火車去西藏，一路都係絕美景色，因此被稱之為世界屋脊、最接近天堂之地！搭火車除左係窮遊之選之外，好處就係由低海拔到高海拔，都有個較長過渡時間，身體慢慢適應高原氣候，避免高山症發生。
依段旅程需買兩段票，一係深圳到廣州，二係廣州到拉薩：
深圳到廣州有好多班次，主要就返廣州往拉薩既班次。
搭火車去旅行既好處係~當你睇到窗外景色由亞熱帶樹叢慢慢變成黃土高原；
黃土高原再變成青藏高原，再由雪山、湖水、草原、犛牛、藏獒包圍著你既感覺係幾咁震撼！
▲廣州去拉薩既火車需途中係西寧換高原專車。依架火車軟硬臥都係包箱設計，如果係同幾位朋友一齊出行，咁就可以包箱了。另外，車上有海拔計及供氧口，以供高原旅程之用。
火車沿途景色:
▲無空氣污染既天空，黃土高原至青藏高原既交點
▲途經青海湖，中國最大湖泊，無邊無際
▲距離拉薩相當近既錯那湖
▲那曲火車站，世界最高海拔既火車站。到咗依個站，火車會埋站俾人落車影相
▲沱沱河，長江既起源。見到沱沱河，亦係依趟火車之旅既尾聲了。
中國鐵路網
官網:http://www.12306.cn/
圖片來源:铁友网、雄獅旅遊、赤子之心闖世界、www.protour.com.tw、Mapio.net、维基百科
文字/攝影:：香港人.歎世界/Kevia Tang