韓國人氣食品品牌Binggrae除有賣國民牛奶之外，亦都有好多雪糕甜品供選擇，就好似7-Eleven便利店即將於3月16日推出的Binggrae超級甜筒，售價為HK$20，由韓國直送，主打150ml特大尺寸，特大份量讓甜食控超級滿足，而且採用一撕即食包裝，超方便！Binggrae超級甜筒有4款口味，包括有薄荷碎朱古力、曲奇、雲呢拿及朱古力口味，究竟味道如何？即睇小編率先試食啦！
▲薄荷朱古力愛好者當然要試「薄荷碎朱古力超級甜筒」，甜筒除有薄荷味雪糕之外，頂層亦有朱古力曲奇粒粒及朱古力脆皮，食到中間都有朱古力粒粒，整體口感好豐富！薄荷雪糕的薄荷味好溫和，沒有坊間所說的牙膏味，而雪糕口感則偏鬆化軟滑，而非厚實感。
▲「曲奇超級甜筒」於軟滑的曲奇雪糕上加上脆皮朱古力及碎曲奇粒，亦是多重口感，喜愛cookies & cream的朋友不妨試試！
▲「雲呢拿超級甜筒」，雲呢拿雪糕香軟綿滑，口感頗似忌廉，加上脆皮朱古力及花生粒粒更美味。
▲「朱古力超級甜筒」的朱古力雪糕香濃幼滑，配上頂層的脆皮朱古力及碎曲奇粒，朱古力味更濃郁！
韓國直送Binggrae超級甜筒
售賣點：7-Eleven便利店
發售日期：2022年3月16日
售價：HK$20
文字：香港人遊香港