黑糖波霸鮮奶就聽得多，黑糖波霸雪米糍你又試過未呢？而7-Eleven便利店最近就推出「雀巢黑糖波霸雪米糍」，雪米糍用上糯米皮包著雲呢拿雪糕，再配上黑糖波霸珍珠夾心，感覺就好似將黑糖波霸鮮奶化身成一道甜品，聽個名就覺得幾吸引，至於味道又如何？立即睇試食報告啦！
▲一包只有一個黑糖波霸雪米糍，而黑糖波霸雪米糍的體積比一般的雪米糍較大，賣相更吸引。
▲切開雪米糍，明顯見到其層次，糯米皮內有雲呢拿雪糕及黑糖珍珠夾心，不過黑糖珍珠夾心不算好流心。
▲至於味道方面，雲呢拿雪糕是雀巢的經典口味，好香滑，配上黑糖醬更香甜。
▲口感方面，糯米皮好煙韌，配上雪糕口感更豐富。而珍珠就不算大粒，食落口感不太煙韌。
雀巢黑糖波霸雪米糍
售賣點：7-Eleven便利店
售價：HK$10
文字：香港人遊香港