推介阿華田朱古力西多士同蛋包飯！
好多香港artist 都會開餐廳過下日辰，文生哥哥都唔例外，邀聘左新香園嘅蛋牛治主廚，仲為大家帶黎蛋包飯同阿華田朱古力西多士！招牌蛋牛治已經係座上客必點食品，欣賞咖哩蛋包飯既人都唔少。薄薄蛋皮包住乾身蕃茄炒飯，隱約食到粒粒蕃茄係入面，真係幾開胃。食完仲可以食埋阿華田朱古力西多士做甜品，西多士淋上濃濃朱古力醬，再加左阿華田粉，未完架，裡面都仲有朱古力醬。小編都係決定，食埋今餐先減肥。
▲板煎雞扒蛋包飯(配燒汁)($45)，雞扒肉質正常，隻蛋真係煎得好滑而不乾。
▲份量足夠架，大大碟，又多一間飯堂啦！
▲伍文生哥哥，閃電傳真機年代主持!
▲阿華田趣脆朱古力西多士($39）西多士炸得很香酥，表面的阿華田粉和朱古力醬，超邪惡的！！
SHY Dance Café
地址：觀塘駱駝漆大廈3期1樓i室
營業時間：星期一至五 0800-1700；星期六日 1200-1900
文字來源：香港人.遊香港／圖片來源：互聯網