![](https://hkppltravel.com/wp-content/uploads/2020/11/藍地灌溉水塘-1024x681.jpg)
今次為大家介紹行山新手路線-屯門徑七彩欄杆!
熱門打卡點~七彩欄杆,五颜六色的確有趣,决定出走一趟。首先坐港鐵住屯門站落車,C3出口,沿杯渡路一直走,好快就到達麥理浩徑10段入口,首先經過數間村屋,呢度幾户都有養咗幾隻狗,小編每次行過都受到佢哋熱烈”歡迎”,不過佢哋唔會咬人,唔洗驚呢! 呢段路大部份都係石級,小啲腳骨力都唔得,上到分岔口轉左,接上屯門徑1段,沿途有幾座涼亭可以休息抖吓, 好快就見倒呢度嘅地標~七彩欄杆,平時路邊啲欄杆大部份都係灰色,七彩真係第一次見,的確好靚,好有特色,全長大約200米,打完卡之後一直行經過虎地,再一路落山,好快就到達藍地灌溉水塘,風景好靚,從水壩頂望落去,流水一條條流落壩底,每條流水旁邊仲長出翠綠苔蘚,好似一條條絲帶,好靚啊,小編都忍唔住走到水壩較下方,揾個靓位打打卡先。打完卡後沿水塘旁邊山徑繼續行,呢段山徑平緩易行,一路行一路可以欣賞旁邊大小山澗,其中一個較大嘅水潭名叫~行者池,呢個水潭大約有20米長濶, 流水淙淙,仲有一個細小瀑布添,其實呢條山澗都有名堂,名為~虎地坑,上游為九逕山脈中一個水源,下游正是藍地灌溉水塘。由於之前早幾日都落過大雨,所以虎地坑各處都河水滔滔,流水非常湍急,離開澗道轉入屯門徑2段,經過一大段落山路之後返回屯門站,完成今次旅程。
郊遊後感: 郊遊,對我們兩夫妻來說,除了是有益身心的活動,更是讓心靈重新上電的治療。如果為了城市開發,今天犧牲一少片郊野、明天犧牲一少片郊野,最後這些可愛的大然自,就會變成一塊塊無情的石屎,多可惜!希望愛山野的人,都可以身體力行,保護郊野公園,免受不可逆轉的破壞!
![](https://www.hkppltravel.com/wp-content/uploads/2018/09/1-屯門港鐵站C3出口經杯渡路進入麥理浩徑10段起步-576x1024.jpg)
▲屯門港鐵站C3出口經杯渡路進入麥理浩徑10段起步
![](http://hkppltravel.com/wp-content/uploads/2018/09/2-由於早幾日都落過大雨所以山徑兩旁植物都沾滿水珠-576x1024.jpg)
▲由於早幾日都落過大雨所以山徑兩旁植物都沾滿水珠
![](http://hkppltravel.com/wp-content/uploads/2018/09/3走上數段石級之後卒之到達七彩欄杆-576x1024.jpg)
▲走上數段石級之後卒之到達七彩欄杆
![](http://hkppltravel.com/wp-content/uploads/2018/09/4七彩欄杆全長約200米顏色鮮豔繽紛耀眼-576x1024.jpg)
▲七彩欄杆全長約200米顏色鮮豔繽紛耀眼
![](http://hkppltravel.com/wp-content/uploads/2018/09/5山徑旁植物紫薇-615x1024.jpg)
▲山徑旁植物紫薇
![](http://hkppltravel.com/wp-content/uploads/2018/09/6經過幾個涼亭之後沿山徑落山到達虎地-576x1024.jpg)
▲經過幾個涼亭之後沿山徑落山到達虎地
![](http://hkppltravel.com/wp-content/uploads/2018/09/7藍地灌溉水塘-576x1024.jpg)
▲藍地灌溉水塘
![](http://hkppltravel.com/wp-content/uploads/2018/09/8水壩正排水中流水ㄧ條條緩緩而下-576x1024.jpg)
▲水壩正排水中流水ㄧ條條緩緩而下
![](http://hkppltravel.com/wp-content/uploads/2018/09/9藍地灌溉水塘水平如鏡-水面鋪滿一層薄薄的水澡-576x1024.jpg)
▲藍地灌溉水塘水平如鏡-水面鋪滿一層薄薄的水澡
![](http://hkppltravel.com/wp-content/uploads/2018/09/10-流水中間水壩都長滿了苔蘚形成一行行美麗的構圖-576x1024.jpg)
▲流水中間水壩都長滿了苔蘚形成一行行美麗的構圖
![](http://hkppltravel.com/wp-content/uploads/2018/09/11-好多行山人仕經過九逕山都慕名而來參觀一下藍地灌溉水塘的美貌-576x1024.jpg)
▲好多行山人仕經過九逕山都慕名而來參觀一下藍地灌溉水塘的美貌.
![](http://hkppltravel.com/wp-content/uploads/2018/09/12地上菌類植物名叫蕈菌-576x1024.jpg)
▲地上菌類植物名叫蕈菌
![](http://hkppltravel.com/wp-content/uploads/2018/09/13行者池直徑約20米-576x1024.jpg)
▲行者池直徑約20米
![](http://hkppltravel.com/wp-content/uploads/2018/09/14由於早幾天連場大雨虎地坑水流湍急波濤洶湧-576x1024.jpg)
▲由於早幾天連場大雨虎地坑水流湍急波濤洶湧
![](http://hkppltravel.com/wp-content/uploads/2018/09/15行者池旁邊的小瀑布-576x1024.jpg)
▲行者池旁邊的小瀑布
![](http://hkppltravel.com/wp-content/uploads/2018/09/16-在虎地坑旁邊發現側邊猿猴石-649x1024.jpg)
▲在虎地坑旁邊發現側邊猿猴石
![](http://hkppltravel.com/wp-content/uploads/2018/09/17大花老鴉嘴_台灣人叫大鄧伯花-671x1024.jpg)
▲大花老鴉嘴_台灣人叫大鄧伯花.
![](http://hkppltravel.com/wp-content/uploads/2018/09/18屯門徑2段途中-576x1024.jpg)
▲屯門徑2段途中
![](http://hkppltravel.com/wp-content/uploads/2018/09/19朝向屯門站方向緩緩落山-576x1024.jpg)
▲朝向屯門站方向緩緩落山
藍地灌溉水塘
路線: 屯門港鐵站>麥理浩徑10段>屯門徑1段>七彩欄杆>藍地灌溉水塘>行者池>虎地坑>屯門徑2段>屯門港鐵站
全程8.7公里 需時3.5小時
路線詳情:https://bit.ly/2OvFeqg
![](https://www.hkppltravel.com/wp-content/uploads/2018/12/Banner小牛牛快樂行山郊遊相集-1.jpg)