白桃季節又到啦！去唔到日本食唔緊要！旺角就有酒店推出以日本白桃為主題的下午茶，用上日本山梨縣和長野縣水蜜桃，再配上人氣食材宇治抹茶，將兩樣日本食材Mix And Match，製作出多款鹹甜美食，當中包括白桃宇治抹茶忌廉蛋糕、白桃糖蔥宇治抹茶班戟、白桃杏仁蛋糕和白桃果凍等。新鮮白桃配上回甘的宇治抹茶，令心郁郁想飛日本嘅你，嚟翻轉味遊日本啦。
▲由即日起至10月4日，逢星期六、日及公眾假期就可以食到 「白桃‧純茶下午茶自助餐」。
▲ 抹茶蕎麥麵滑溜順口而滲出淡淡茶香，搭配四季柑冷麵汁沾上進食，使每一口冷麵都吃到清新酸甜，十分開胃，充滿日式風味。
▲ 白桃杏仁蛋糕(左)、白桃果凍(右)，香軟綿密的白桃杏仁蛋糕，面層鋪滿新鮮白桃，內藏白桃吉士忌廉再配搭底層杏仁蛋糕，清香可口。晶瑩剔透的白桃果凍口感Q彈，內有大塊白桃原片果肉，一啖咬落去啖啖果肉，滋味滿足！
▲ 抹茶配紅豆屬經典不敗組合，紅豆使宇治抹茶麵包味道甜而不膩，紅豆粒令口感更為豐富。今次再加上煙韌有嚼勁的麻糬製成三文治，拉絲效果十分吸睛，多重層次的享受叫人難以抵抗！
▲下午茶甜點包括：白桃宇治抹茶忌廉蛋糕(左一)、血桃意大利芝士伴燴雜莓(右一)、宇治抹茶芒果千層酥(後)、宇治抹茶雙層芝士蛋糕(後)。
▲ 白桃糖蔥宇治抹茶班戟：糖蔥餅這款懷舊小食相信大家都會吃過，今次大廚搞搞新意思，用宇治抹茶班戟皮代替白麵皮包裹著糖蔥，上面放著新鮮白桃切片。由煮溶的蔗糖製成的糖蔥香甜鬆脆，軟棉的宇治抹茶班戟皮更添上一份茶香，配上鮮甜多汁的白桃就更滿足。
除了以上各式各樣美食外，自助餐桌上亦提供多款以白桃和抹茶作主題的必食推介，包括宇治抹茶白桃卷蛋糕、蜜桃柚子朱古力撻、白桃巴馬火腿水牛芝士沙律等，萬勿錯過！
香港帝京酒店花月庭
地址： 旺角太子道西193號帝京酒店2樓
電話：2622 6154
供應時間：即日起至10月4日
文字：香港人遊香港