屯門啲牛去哂邊？可能就係喺哂犇道 ChefBen度！ 犇，粵音 「奔」，由三隻牛組成，係咪而家先識讀呢？ 犇道主打高質嫩滑肉味香濃慢煮牛同特色菜色， 必食嘅一定係慢煮美國極級嫩肩牛排， 有兩個份量可以揀，分別係150g($98)同220g($128) ，鍾意食幾多任君選擇，肉質嫩滑，充滿牛味，煮得剛剛好又唔會太老，100%推薦！同場仲有其他定食同小食選擇 ，例如拉絲芝士金雞丼，拉絲芝士作為邪惡之首已經超吸引！
▲ 慢煮美國極級嫰肩牛排 ($128/220g)：每件牛排已切好一片片，沾有燒汁，入口即溶， 溫泉蛋送飯食一流！
▲ 明太子手羽 ($16/隻)：入面包住好多明太子，口感豐富，帶小小辣，幾香口！
▲ 日本燒年糕 ($22/2串)：去得食日本嘢，就一定要叫燒年糕！ 年糕用竹籤串起，醬汁較甜，口感煙韌！
▲ 拉絲芝士金雞丼 ($58) : 令人驚嘆嘅邪惡芝士拉絲！好香濃嘅芝士味，雞肉嫩滑入味，份量約有五至六舊，飯上面鋪滿紫菜同洋蔥！
▲ 全部午市定食都包前菜、主菜、味噌湯或熱飲，仲可以追加小食！
犇道 ChefBen
地址：屯門龍門路43號龍門居商場地下91號舖
電話：5644 6590
文字來源：香港人遊香港 / 圖片來源 ：＠sistersnfood