海鮮迷報到😍呢間小店逢星期一至四只需$198就可以食到8款海鮮，包括龍蝦、鮑魚、蟶子、花甲同黃奄蟹等，所有海鮮嘅精華可以流落下面嘅火鍋湯底入面，更可選粥底火鍋，四人同行仲每位送甜品燉官燕一盅，真係夠晒滿足呀！
▲呢度小店主打海鮮蒸氣鍋同火鍋，逢星期一至四只需$198（星期五至日$226）就可以享用8款海鮮同一個有機蔬菜籃！湯底除咗可以選擇一般火鍋湯底，仲可以揀粥底火鍋！
▲8款海鮮包括野生印尼龍蝦仔、菲律賓黃奄蟹、翡翠九孔鮑魚、越南貴妃蚌、泰國海中蝦、蘇格蘭蟶子、花甲同貝殼盛盆。
▲所有海鮮職員都會幫手蒸，咁就唔驚蒸過籠！鮑魚非常厚肉，又好腍身，龍蝦同埋黃奄蟹都好多膏，特別係蟹膏香味非常濃郁，忍唔住一啖又一啖！
▲最後淨係要食晒啖吸收晒海鮮精華嘅粥啦！可以揀南瓜粥底或魚翅粥底！
▲另外仲有好多火鍋料可以選擇，好似安格斯肥牛(例)($98)、手打蟹籽鮮蝦滑 ($48)、蟲草花雞件 ($48) 等等，其中雞件非常嫩滑，肥牛蒸完出黎亦比想像中好味，有油香而且牛味極濃，值得一試！
▲而家四人同行，每位仲會贈送甜品越南雪燕燉官燕一盅添。
蟹仙
地址：元朗西菁街10號好順泰商場地下16-17號舖
營業時間：12:00 – 00:00
文字來源／圖片來源：香港人.遊香港