油脂豐盈！
YOHO Mall形點I搞左咁耐終於開幕，新商場囊括唔少新食肆，其中一個亮點當然係日本壽司店！好多人都將呢個品牌同飛驒牛連上關係，無錯，小編敢講呢度飛驒牛口味係貼近原產地！件件肉質細滑，未點豉油鮮味已經夠濃厚，飛驒牛軍艦，滿載鮮嫩飛驒牛肉，口感嫩滑豐富，加上鵪鶉蛋液使其滑不溜口，認真好食！
▲松葉蟹蓋海膽石鍋飯 ($168)，松葉蟹榚特別採用日本煮酒除去腥味，飯中亦加入了明太子飯素、紫菜和芝麻，進食時將松葉蟹蓋內的松葉蟹膏、松葉蟹肉、松葉蟹肉籽和馬糞海膽一起倒入石鍋裏拌飯，嘴嚼時有多重口感，啖啖鮮味濃郁，慢慢散發鮮甜海膽先，之後係細膩綿密既松葉蟹膏，回味無窮。
▲飛驒牛壽司三點盛 ($238)，飛驒牛肉係來自日本岐阜縣高山市特產，小編係日本食過都翻尋味！主廚特別只挑選飛驒牛的肉眼部份，肉質鮮嫩而且油脂分布均勻的飛驒牛肉，你無需專程去日本搵牛牛，牛牛會搭飛機搵你。軍艦配鵪鶉蛋的壽司，牛肉滿滿，口感肉質鮮嫩，配合鵪鶉蛋漿，豐富成件壽司味道，變得更細滑。每粒飯與蛋黃混合，再加入飛驒牛肉一齊食，你既口有治癒既感覺。兩款壽司盛載在脆薄蝦片上，充滿岐阜縣高山市特色既菜式。
▲葱吞拿魚腩薄脆 ($58)，運用泰菜元素將窩巴同日本吞拿魚腩crossover，而且使用自家製作窩巴，有如似童年小食米通。窩巴卜卜脆，配上肥美的吞拿魚腩，中間自家製明太子蛋黃醬，將鮮嫩的吞拿魚蓉同爽脆窩巴作平衡，酸香辣味俱全，配酒一齊食是最佳，更似一份泰式小食。
▲酢麵豉軟牛脷 ($88)，選用牛脷中油脂分佈最多部分來製作。先用鹽、黑椒和香葉一起與牛脷烹煮3小時，烹調過程步驟繁複。自家製醬汁用法式芥末籽、蛋黃和麵豉調製，製作嫩滑醬汁過程需時5小時。一咬入口後，肉質呈一絲絲既口感，有D似吞拿魚，入面既肉汁好可口好野味，回想起夜市既味道。
▲特上刺身拼盤 （＄498／兩位用）
一場黎到壽司店，點可以唔試下個刺身？呢個特上刺身拼盤係師傅特意挑選既拼盤，件件新鮮肥美，刺身包括白身魚薄切、三文魚腩、油金魚、牡丹蝦、海膽、帆立貝、三文魚籽、吞拿魚腩、季節魚（今次係目仁奈）
▲鵝肝釀雞翼 ($68 / 件)，用上新鮮法國鵝肝加鹽釀入雞翼，將雞翼燒至外脆內軟，讓食材能於瞬間烤熟並同時鎖緊水份，咬一口後爆汁，熱烘烘又濃烈既鹽味汁湧出來，味道濃香。
▲紫蘇葉雞皮蝦卷串 ($48 / 件)，採用加拿大虎蝦，在虎蝦面層先卷上一塊紫蘇葉，然後再用新鮮的雞皮卷住蝦身。外層香脆，內裹就有鮮蝦爽滑的口感，富有東南亞風味。
▲小編尤其欣賞個海膽，質地厚實味道鮮味。
▲天扶良蝦（＄98／5隻）
▲三蟹卷天扶良 ，咬開確係有豐富蟹膏味
穴壽司
地址：元朗元龍街9號形點一期1樓1027號舖
電話：2353 5515
文字／圖片來源：香港人.遊香港