一名年輕港人當路Donald(化名),在個人YouTube頻道上分享個人持有BNO護照如何移民英國的全記錄。早前於連登討論區各位網友熱議移民英國邊度好?今次不如睇睇Donald眼中嘅愛丁堡生活記錄第一集喇!佢將會為大家簡單介紹下愛丁堡呢個城市嘅交通、生活指南、娛樂消遣等等,一齊嚟睇下呢個地方啱唔啱你喇! ▲愛丁堡的街道。 ▲愛丁堡中央公園The Meadows,平時大家就可以喺呢度做運動或者野餐娛樂消遣都得~ ▲教堂 ▲交通方面,其實大家都唔洗非常擔心嚟到英國住需唔需要學車,因為呢度交通都非常方便。 ▲愛丁堡王子大街(Princes Street),屬於市中心位置,非常繁華熱鬧,等同於香港銅鑼灣、旺角地區,市民可以於大街上購買生活所需用品。 ▲附近仲有個Waverley Mall購物中心,入面有齊麥當勞和KFC等等。 ▲愛丁堡好去處就係呢個著名景點,愛丁堡城堡(Edinburgh Castle) 。 ▲係城堡望落去個風景都幾靚~ ▶最後,如果大家都想睇番原條片段都可以上YouTube搜尋DONALD當路或>>按此<<就可以重溫原片。 地點:英國愛丁堡 人口:約545.4萬(歐洲統計局)氣候:夏季8-18°C,冬季0-7°C飛行時間:沒有直航,倫敦希斯洛往愛丁堡約2小時與香港的時差:夏令:慢7小時 / 非夏令:慢8小時 文字來源:香港人遊香港/圖片來源:YouTube@DONALD當路、unsplash...
英國外相藍韜文早前落實BNO「英國國民(海外)護照」平權,延長300萬個合資格BNO持有人嘅逗留英國期限至5年,期間可以居住、工作同讀書,之後更加可申請成為英國公民。英國政府確實咗相關細節將會喺2021年1月起生效,持有BNO嘅港人可帶同家人移居英國,就算 BNO 過咗期,都可以照申請! ▲BNO居住及工作5+1年可申入籍:隨住落實BNO平權,持有人同其受養人,包括配偶、伴侶同18歲以下子女,可獲5年有限居留許可,而且有讀書同工作權利,持有人唔能夠使用包括政府福利金在內嘅英國公共資金,定居5年後另加1年就可申請入籍,成為英國公民,唔會設配額! ▲ 獲得此特別簽證要證明擁有BNO身分,但唔需要有效嘅BNO護照。如果BNO過期/遺失,都唔需要申請新護照!申請人要證明可以喺英國生活最少6個月,而且能夠自給自足,承諾會學習英文,並提供喺英國內政部認可嘅診所取得結核菌素皮膚測試( tuberculosis (TB) test certificate ),同埋要畀移民醫療附加費(immigration health surcharge)! ▲ 近親包括:配偶或民事伴侶、未婚伴侶、子女(首次申請時未滿18歲),同其他高度依賴嘅家庭成員。以上近親關係要提供證明,未婚伴侶要提供證明已同居最少兩年。至於1997年7月1日或之後出世,又過咗18歲嘅子女,當局會酌情視他們為依賴BNO身分擁有人嘅家庭成員,都可以一齊移民! 更多詳細資料:Gov UK...