全隻龍蝦麵100蚊有找？無錯，元朗呢間小店主打全隻龍蝦喇沙鴛鴦麵，龍蝦由澳洲入口，真係啖啖肉兼爆晒膏，肉質鮮甜夠新鮮，完全真材實料！配上新加坡風味既喇沙湯底，微辣又帶有濃濃椰汁香，非常惹味！麵底由米粉同油麵組成，米粉比較入味，油麵又有咬口，兩者都唔輸蝕，份量十足！小店仲有其他花膠撈麵、黯然銷魂飯等選擇，平民價錢，高質享受！ ▲冇花冇假，真係原隻龍蝦上架！($98) ▲隻隻都多肉爆膏，份量十足 ▲麵底有米粉同油麵，兩種加埋一齊食法都算少見，但又意外咁夾 ▲除左招牌菜龍蝦麵，其他選擇例如呢個豬頸肉喇沙都唔錯 ▲餐牌上仲有其他小菜或小食 18家 地址：元朗教育路81至85C號元達樓地下6號鋪電話：26130222營業時間：星期一至日11am-10pm 文字來源：香港人遊香港／圖片來源：@fattieozzie、@susatam1109...