釜山除左海雲台、南浦洞外，而家仲有個新既景點！長林浦口本身係個小漁港，早前翻新岸邊既小木屋，一整排彩虹色既小屋即時成為IG上韓妹們瘋狂打卡既熱點！彩繪木屋搭配河道同船仔，企係對岸影全景簡直係韓版威尼斯，極有異國風情。而韓妹們仲興起一種「九宮格」既打卡方法，以七彩木屋做背景拍出玩味感覺，去釜山既朋友記得挑戰下啦！ ▲小漁港翻新過後連指示牌都係色彩繽紛，非常可愛 ▲河道邊既木屋一整排都咁搶眼，為原本既小漁村加添新活力 ▲要影出威尼斯既感覺，建議可以先過橋去對岸取遠景，以一整排彩色小屋做背景，特別有異國風情 ▲近拍彩色小屋都有好多野玩，好似呢對情侶咁係每間小屋前面都擺唔同動作，玩味十足 ▲IG上至HIT既打卡mode就係利用唔同色彩背景做九宮格啦！ ▲無論閏蜜定情侶去都可以影得多種唔同風格 ▲除左木屋搶眼，對岸既鐘樓都係遊客必影既地標 ▲仲有風車令成個環境更有異國風情 釜山 長林浦口 地址: South Korea, Busan, Saha-gu, Jangnim-ro 93(gusipsam)beon-gi, 72 文字來源:...