[博客授權分享：田媽玩樂誌] 親子好去處！家有喜愛踩平衡車或單車小朋友的家長請注意！首個室內兒童單車場出現喇！位於D2 place的MOOVE soft opening，田媽同Justin去左試完。地點很方便，D2 place 2期係荔枝角站一出，過條馬路就到！ ▲條路有晒roundabout、斑馬線、交通燈，十足Justin最愛的交通安全城 ▲個賽車圈大人睇雖然唔大，但係對於3-5歲的重覆控，已經夠晒佢地non-stop咁圍圈一個鐘 (Justin玩完立即斷電） ▲場內有各式的車車：三輪車、平衡車、單車、scooter等，大人小朋友都岩玩 ▲除左單車，仲有roller blades可以踩 ▲尼度唔只小朋友開心，大人都有好多野玩，唔需要呆呆咁睇住小朋友片車。想減肥，可以挑戰尼部單車，田媽踩左幾分鍾就索晒氣 ▲仲有飛標有玩 ▲另外，仲有靚靚party房 ▲MOOVE的示旨係Entertainment, Educate, Exchange，以上的都是entertainmentEducate就係場地會有STEM workshop俾小朋友參加 最後的Exchange，就係可以交朋友。小朋友好快就會進入片車mode，成班一齊玩。大人亦可以同其他爸爸媽媽交流下、輕鬆下。田媽覺得尼度十分適合第一次試踩平衡車或單車的小朋友，爸爸媽媽可以睇清楚佢地有冇興趣玩先再出血。而爸爸媽媽又唔駛暴曬中追住佢地，可以自己玩下放鬆下。各位車迷以後就算落雨或者炎炎夏日，都可以舒舒服服去踩單車喇！...
