荃灣小店

呢間位於荃灣既小店係香港唯一以「普洱」為主題既餐廳！黎到一定要試佢既招牌「朱古力普洱」，聽落兩樣野好似唔多夾，但試過都話正！第一啖飲落朱古力味濃，但又會有普洱茶既後勁，唔會太苦之餘有茶香味夠濃，仲可以中和番朱古力既甜味，意外地有驚喜！除左朱古力普洱，仲有其他款如杏仁普洱、椰香普洱等都值得一試！佢既米線都非一般好味，「滇池雜錦砂鍋米線」配料多多，湯底微辣滋味，呢度仲有一款比較少見既通心米綫，係長版幼版既通粉，非常吸湯！仲有多款小食，完全係滋味又特別既一餐！ ▲小店既招牌「朱古力普洱」一定要試！有朱古力既甜又有好香既茶底，朱古力同普洱比較配合得天衣無縫！ ▲「朱古力普洱」單價都是$18，比出面既台式飲品平得多，而且勁晒特別，試過一次就會成日掛念佢既味道！ ▲除左朱古力普洱，小店仲有多款米線、涼拌、小食等等，味道都比一般茶餐廳出色！ ▲滇味米線夠滋味，湯底香濃酸辣唔會過辣，仲有多款配料！ ▲呢度仲有外面比較少見既通心米線，乾濕兩食都得！雜錦炒通心米綫，麵身唔會軟硬適中，值得一試！ 普洱 地址：荃灣大壩街59號地舖電話：2499 4882營業時間：11:00-23:00 文字來源：香港人遊香港／圖片來源：@lukelo、@bonnielovestoeat、@wells_1210...

沾麵可能大家都食過，但蕃茄沾麵就真係比較少見。呢間係荃灣既隱世小店，主打沾麵，蕃茄紅油沾麵更加係佢地既招牌！湯底是滿滿的蕃茄蓉，加入左少少辣味同蔥花令蕃茄湯更惹味，酸酸甜甜咁非常開胃！另一款魚介豚骨沾麵，湯底用魚熬成，唔知會太鹹但鮮味十足！配料就有叉燒、筍、溏心蛋、蔥花等等，叉燒夠嫩易入口，溏心蛋都有流心，拉麵既粗幼都適中，掛湯能力一流！仲有另一款黑蒜油豚骨沾麵就比較重口味，三款唔同沾麵都可以滿足唔同人既口味，怕唔夠食仲可以追加線添，非常貼心。 ▲蕃茄沾麵(HKD$$88)算係比較少見，湯底好濃郁，有滿滿的蕃茄蓉、蔥花，加入少少辣味，好惹味！ ▲大大碗既湯底都真材實料，因為係沾麵所以湯底會比較重味，如果習慣飲埋湯底既可能就要飲多兩啖水。 ▲另一款魚介豚骨沾麵(HKD$73)都好濃郁，係好鮮味既魚湯底，仲加入芝麻、大量蔥花等，令湯底更有層次！ ▲拉麵比較粗身，軟硬適中，掛湯能力十足！ ▲溏心蛋都做到流心，大加分！ 麵屋福 地址：荃灣享成街18號地舖營業時間：11:30-15:30, 18:00-21:30 文字來源：香港人遊香港／圖片來源：@lansau__kitchen、@isabelsit...