如果你有一顆永遠都長唔大既少女心， 去芭提雅玩就一定要到Tutu Beach粉紅沙灘 打卡！Tutu Beach粉紅沙灘位於芭提雅中天海灘南部，要搭半個鐘車先會到達，今次呢個粉紅沙灘並唔係d沙真係粉紅而係太陽傘、陳設及食物都充斥夏威夷風粉紅主題！柔和既粉色調休閒舒適，一整片粉色裝飾係藍天白雲下沙灘特別吸睛，打完卡之後坐係度飲野放鬆下、望下海休息下，係一個唔錯既放假活動，係呢度可以發呆一整下午，時不時仲有海鷗飛過架！ ▲柔和粉色豆袋靠墊、粉紅色大傘有秩序排列係海灘之上 ▲可以住係一片粉色之中，一眼望去彷彿掉進了粉色海洋，少女心大爆發！ ▲沙灘其實係cafe既一部份，粉色座椅靠墊超萌超夢幻，一開業已經引來大量少女前來打卡！ ▲Cafe餐點、飲品都配合熱帶風情，主要以粉紅色為主。 ▲呢度食物餐點都唔少，有西式意粉、泰國菜呢主食類，連甜品蛋糕都有好多選擇！顏值都超高，超可愛！ ▲係炎熱海灘之上，最適合飲返杯凍飲。飲料可以揀沙冰、果汁、蘇打水、咖啡、冰茶，仲有啤酒、雞尾酒呢d選擇！ ▲粉紅色貝殼飲料，飲完仲可以帶走個貝殼！ ▲推薦大家下午四五點時候前往，唔會太熱又可以邂逅唯美夕陽！ 文字來源：香港人遊香港 / 圖片來源：@wanwanwi...
