龍珠係唔少男仔嘅童年回憶，今個暑假，佢哋係銅鑼灣時代廣場同大家見面。場內有經典戰士對決埸景，有格古達、布洛尼、超級撒亞人藍悟空、超級撒亞人藍比達、菲利、魔人布歐一眾經典角色。有角色睇同時，場內影相區有得練必殺技「龜波氣攻」，同埋龍珠歷代模型展。 ▲格古達與布洛尼鬧市大戰係經典情節之一，當格古達遇上布洛尼，地磚四起必殺技絕對唔少得 ▲超級撒亞人藍悟空與比達，1:1比例打造 ▲超級撒亞人悟空及菲利會渾身解數，唔留手比對方奪到龍珠 ▲齊集13粒龍珠就去見下13米高神龍實現自己願望 ▲魔人布歐食住朱古力等緊你 ▲粉絲可以用手機去搵龍珠嘅下落，只要上「尋找龍珠的下落」專頁，去掃QR Code去收集龍珠。集齊龍珠並成功許願嘅粉絲有機會有《龍珠》限定禮品一份， ▲互動區有得練成動漫必殺技，最經典嘅係龜波氣功 ▲踏上筋斗雲係必去打卡之一 ▲見完自己童年偶像，龍珠歷代模型展一定要到場，場內展示初代《龍珠》、《龍珠Z》和《龍珠超：布洛尼》電影模型，展示經典場景 Dragonball World Adventure 地址：香港銅鑼灣時代廣場地面露天廣場開放時間：12:00 – 16:00 文字來源：香港人遊香港/圖片來源：時代廣場...
