馬鞍山呢間湯水專門店，係區內唔少居民既心水，煲湯用料真材實料，完全唔落味精，好似屋企飲湯既感覺咁。老闆本住善心行好事，例如義教煲湯，又或免費派湯水，之前都有請學生們飲湯，所以引來唔少網民懲罰，由於湯水認真貨真價實，好多時去到5、6點已經比人飲哂d湯，生意做唔停！不過最近就有傳因為佢表明唔做警察生意，業主唔續佢地租，佢地租約去到出年3月，之前好可能就要搵地方搬喇！ ▲每日都有1款精選靚湯，都係由老闆之一既媽媽級主婦包辦！ ▲花膠雞腳湯 （$78）滋補十足！ ▲自從比人瘋狂懲罰，老闆娘都密密手包製干貝燒賣 （$25/4粒）以馬蹄切粗粒拌入梅頭肉、冬菇粒，包好即刻蒸煮6至8分鐘，食落口感同出面真係唔同！ ▲滷水雞翼（$18/3隻）雞翼嫩滑爽口 ▲自店鋪貼出告示之後，就瘋狂比人懲罰！不過業主唔知係咪因為呢個原因唔續租。 ▲唔續租消息傳出之後，網民都話就算佢搬去邊都會繼續撐 All Day 地址：馬鞍山鞍源街49號福安花園商場地下50號舖 電話：59116754 營業時間：星期二至六 13:00 – 21:00、星期一休息 文字來源: 香港人.遊香港/圖片來源：@ggial369、@foodsoul.hk、@factorygirl_hk、@foodiegirlsinhk...