泰國曼谷迎年好興海鮮燒烤放題，不過好多開店位置偏遠，同埋係用炭爐所以冇冷氣，真係熱死寶寶！而呢間Bkk Seafood Premium室內有冷氣既海鮮燒烤放題，開左之後真係大受歡迎，而且提供海鮮仲非常新鮮，而呢間新店有兩個超長活蝦池塘，VIP位就係住係活蝦池塘隔離，即撈即燒流水蝦，如果覺得燒食得悶，廚房仲提供蒸蝦服務架！ ▲新店位於BTS附近，仲有室內冷氣，岩哂怕熱人士。餐廳中央有個大水缸裝住活蝦！ ▲餐廳入面都係大大隻既羅氏沼澤大頭蝦，客人大多可以自助撈蝦，撈完蝦再放入冰桶，再將蝦放冰桶凍暈，如果唔係真係生蝦咁跳！ ▲大頭蝦由新鮮烤到全熟，燒緊時候鮮甜香味撲鼻而來。 ▲除左大頭蝦之外，仲有好多海鮮選擇 ▲黎食既朋友一定叫超多海鮮，到時一定會嫌個爐唔夠大。 ▲肉蟹都幾厚身，係香港食既話應該好貴！ ▲就算新分店貴少少都覺得經濟實惠！799泰銖任飲任食！而啤酒放題就再另外加錢，不過最近因疫情關係餐廳暫時停上營業，希望疫情過後有得食啦～ 文字來源：香港人遊香港 / 圖片來源：@anitalyy、@juziforfun...
