傳聞話一個人去韓國食飯無啖好食，其實韓國都有好多歡迎一人去食飯既餐廳兼且好豐富添！呢間連鎖餐廳係首爾有好多分店，江南、弘大、新村等旅遊區都有，一人便當選擇包括三層肉菜包飯、豬腳菜包飯、蓋飯等，肉既份量唔止多，而且片片都厚實肥瘦適中，便當配料亦多，辣蘿蔔絲、蔥絲、蝦醬等同樣惹味！識食梗係要學韓國人既菜包飯食法啦，即係用生菜做底，加上芽菜、辣醬、一口白飯、再加上一片肉，一齊放入口就有多層口感！小編最推薦係加左蒜蓉既三層肉，蒜唔會太辣太重味，反而有甜味，非常適合下飯，包你一個人都可以食得好滋味！ ▲餐廳係首爾有多間分店，貼心既間隔設計令你一個人食飯都唔會尷尬！ ▲最近唔少分店仲新增左用機點餐，有圖有英文，連Size都可以選擇，非常方便 ▲每份肉既份量非常多，而且肥瘦適中，非常美味 ▲一個便當既配料唔少，仲有味噌湯送，叫Set的話仲會有生菜添 ▲識食一定係學韓國人最地道既食法，用菜包住肉同飯一啖放入口 ▲韓國既豬腳非常好味，會切到一片片而且厚薄適中，唔會太肥 ▲小編大推就係呢款蒜味三層肉，蒜味香甜，送飯一流！ ▲蓋飯都係唔錯既選擇，加上醬汁就更惹味 싸움의고수 地址：서울특별시 서대문구 명물길20 (新村店) 地址：서울특별시 마포구 와우산로21길 28 1층 (弘大店)...