囍帖街變左商場都一段時間，都市人係咪當真「忘掉種過的花」，呢間冰室因2005年因市區重建計劃而結業，不過觀塘重開都仲好多人記得，就知道香港人勁念舊，聽聞廚房班底係有澳牛廚師，滑滑炒蛋超哂班，當年得獎既炒公仔麵，亦重見江湖，聽到已經覺得好期待！即使冰室重開，用既唔係光鮮既裝氛，而係保留滿滿舊情懷，唔少得有摺枱櫈、石磚塊呢d舊冰室氣氛。而呢度Lunch必食既當然係招牌炒滑蛋叉燒飯，金黃蛋汁滲入每粒米飯，叉燒亦肥瘦岩岩好！呢間冰室雖然承傳歷史，但係好撐反修例運動，仲係店內先設連儂牆，係呢個世代都算難得！ ▲冰室滑蛋炒叉燒飯（＄50）蛋炒得軟滑，蛋香濃 ▲滑蛋吉列豬排飯，個賣相好有誠意呀！豬排外皮炸得十分酥脆得，而滑蛋目測使用上兩三隻蛋加牛油炒到非常滑。 ▲雞中翼＋瑞士汁撈丁＋炒蛋($40) 瑞士汁唔算好咸，入味、腍滑、鹹香雞翼，加埋呢個改良版炒蛋。 ▲靚靚豬扒炒出前一丁($45)，豬扒唔放鬆肉粉，一丁炒埋洋蔥、青椒炒得香口彈牙。 ▲原為灣仔區的懷舊冰室，不少街坊、遊客都有幫襯，結業後近日重出江湖，於觀塘區落戶。繼續主打冰室食品。 珠記冰室 地址：觀塘開源道46-48號威利廣場地下2-3號舖電話：34898028 文字來源：香港人.遊香港／圖片來源：leonlamb，elkanip，konica.c，taisiusam、noelcatcat...