台北美食

牛肉麵大家去台灣就食得多，但呢間位於南京復興既牛肉麵，仲得台北國際牛肉麵節「湯頭好店」第一名，全因佢既湯底除左傳統既清湯同紅燒味，仲有特製既辛辣川味湯底，牛肉吸晒ｄ湯底既辛辣味，嫌唔夠過癮既仲可以添加特製既神仙辣椒醬，岩晒鐘意食辣既朋友！招牌「天官四福麵」有齊牛腩、牛肚、牛筋、牛腱，每樣都大大件兼入味，一次過滿足晒鍾意食牛既你，而且包你食得飽！麵底都夠彈牙，掛汁力唔錯！果魚係冠軍級既牛肉麵啊！ ▲「天官四福麵」(NT$320)有特製既川味湯底，可以選唔同辣度，唔食辣既應該都可以接受小辣，而且唔會死辣死鹹，而係香甜既湯底，相信落足左料去熬個湯底！ ▲半筋半肉牛肉麵(NT$200) 同樣足料，怕辣既可以選清燉或紅燒湯頭都得！ ▲牛肉大大塊份量十足，軟淋有嚼勁，肉質都好嫩完全唔難咬，而且非常入味！ ▲牛肚彈牙易入口，完成吸晒湯底既辛辣味！ ▲麵條係典型既台灣麵，彈牙兼軟淋適中，掛汁能力一流，同個湯底超夾！ ▲鐘意食辣既朋友，仲可以自己加佢地特製既神仙辣椒醬同麼鬼辣椒醬！ ▲餐廳環境乾淨明亮，但經常都有人潮排隊，想食就要預多少少去等啦！ 神仙川味牛肉麺  地址：台北市中山區長春路322號 (捷運南京復興站)電話：02 2546 8258營業時間：11:30 – 21:00 文字來源：香港人遊香港 / 圖片來源：@ching.foodie、@sandy_eat...

海南雞飯大家食得多，但原隻海南燒雞脾飯你又試過未？呢間位於台北板橋致理科大附近既餐廳推出「招牌海南燒雞脾飯」，學生餐既價錢，但份量就非常足夠！巨型既燒雞脾肉嫩多汁，外皮配酥脆，配以勁香既蔥油飯，粒粒分明，仲有送小菜同藥膳湯添！餐廳亦有普通海南雞飯，配以特調既海南雞辣醬，同樣滋味！仲有「泰式椒麻雞排飯」、「南洋咖哩雞排飯」等等，都好受歡迎，餐廳仲有印度拉茶，充滿異國風味！ ▲位於板橋既星馬廚房，招牌「海南燒雞脾飯」(NT$120) 份量足，好受附近學生歡迎！ ▲外皮加上特製醬汁，非常惹味，雞肉嫩滑多汁，冇得輸！ ▲另一款「泰式椒麻雞排飯」(NT$130) 同樣重口味，炸雞排都鎖住肉汁，非常香口！ ▲餐廳仲有其他主食選擇，例如南洋咖哩、叁巴飯等，仲有多款泰式小食！ ▲其中一款娘惹炸糕(NT$60)以山藥做成，可以沾椰奶食，甜而不膩，充滿異國風味～ 星馬廚房 地址：新北市板橋區文化路一段311-2號 電話：（02）2251-2222 營業時間：11:30-14:30 / 17:30-20:30 (星期一休息) 文字來源：香港人.遊香港／圖片來源：@fattypie_eating、@lao_0329...

位於台北善導寺呢間三文治專門店，一開業時ig真係洗哂版！以超浮誇既芋泥份量製作鐵板吐司，岩岩開果時分分鐘等3個鐘先有得食！店內裝修簡單，以美味實在為主，要提供鐵板烤土司，口味甜鹹都有。其中最愛OL大眾喜愛既，就係芋泥吐司既口味系列，有4個配搭，包括原味芋泥吐司、芋泥奶酪吐司、芋泥肉鬆吐司、芋泥蛋包吐司，芋泥紮實香甜，加上吐司片烘烤後口感香酥焦爽，係邪惡既早餐之選！ ▲鐵板吐司有咸或甜既口味，吐司大大份！醉雞吐司 （$95）岩哂肉食控，啖啖爽口雞肉。肉鬆芋泥吐司 （$65）甜甜地芋泥綿密加上咸香肉鬆，係人氣之選！芋泥奶酪吐司（$65）係邪惡之最，芋泥因熱壓經已爆漿！ ▲肉鬆芋泥吐司 （$65）厚實芋泥搭配著海苔芝麻肉鬆碎，細膩中帶著酥脆，鹹甜口味剛剛好不膩 ▲芋泥奶酪吐司（$65）芋泥奶本身自帶甜度，質感軟糯粘潤，加上淡淡牛奶清香！ ▲花生醬培根豬排吐司 （$75）豬排煎乾身，花生醬味道淡香。 ▲新口味：鹹蛋芋泥吐司，鹹蛋起沙混入軟滑既芋泥，甜甜鹹鹹好滋味！ 滿樂鐵板吐司 地址：台北市中正區杭州南路一段69號 電話：02-23915153 時間：07：30至13：30 圖片及文字來源：香港人遊香港、michelle_jean77、shanyeung、fiona_yt、jessie_foodie_daily...