剪頭髮

[博客授權分享：田媽玩樂誌] Justin個招牌飯碗頭本身係由田媽主理，但係新年前田媽多手攞左田爸個剷幫佢一剷，就出事喇！田媽唔識用個髮剷，結果剷深左，收唔到科，新年去拜年俾人笑足成個月….陰公！ ▲咁岩田媽近排成日都走去皇室堡玩，見到有間專幫小朋友剪頭髮的髮型屋Magic Mirror，就想幫Justin試下 ▲Justin一直都好想玩旋轉木馬，但係佢好怕會郁的機動遊戲，咁間salon入面好多隻唔郁的木馬，就一定可以滿足到佢願望 ▲除左木馬，其實田媽好鍾意隻長頸鹿，可惜冇俾Justin選中 ▲髮型屋好貼心，有大量玩具俾小朋友玩，就算weekend人多去到要等都冇有怕 ▲每隻木馬前面都有部電視仔，有各類型的卡通DVD俾小朋友選擇 ▲Justin當然係睇佢最愛的Peppa Pig，話咁易就定左格 ▲髮型師姨姨好專業，好快就幫Justin變返個靚靚飯碗頭！ ▲最後就係要洗個靚靚頭，髮型屋好貼心地墊高左張床，咁小朋友就可以舒舒服服咁洗埋頭。Justin初時都好緊張，因為佢好怕有水整到眼同耳仔，但係洗洗下佢已經舒服到踢晒腳 ＊此文章由田媽玩樂誌授權分享，原文網址：專為小朋友而設的Salon – Magic Mirror Magic Mirror Kids’ Hair Salon...