Home
好地方
九龍
黃大仙區
Latest

黃大仙區

九龍好地方黃大仙區

香港好去處：【佔商場全層！日本國民家品店NITORI進駐九龍東！新張優惠！買滿$100減$10 逾5500件⽇系家品】

香港好去處｜日本家品店NITORI進駐九龍 日本國民家品店NITORI第二分店正式開幕啦！第二分店佔整個商場全層，超大空間，提供逾5500件⾼性價⽐⽇系家品，由生活用品如碗碟餐具、收納用品、床上用品，到大型傢俬如餐桌椅、梳化等唔同種類商品都有。新張期間會員於店內消費每滿$100 元即減$10 ；折實滿$200 即可獲贈「⾹港限定版帆布袋」。而商場亦特別推出「家點樂趣」活動，精選過百件家電食品以低至一折發售，包括梳化、4K智能電視，雙門雪櫃等等大型電器都係一折！還有「消費拍住賞」遊戲活動，頭獎是NITORI樂富店10,000元現金禮券，其他獎品包括三座位黃牛皮梳化及變頻前置式洗衣機等。消費愈多，中獎機會愈大！ ▲NITORI提供逾5500件⾼性價⽐⽇系家品，由生活用品如碗碟餐具、收納用品、可愛治癒小物、床上用品，到大型傢俬如餐桌椅、衣櫃、梳化等超多種類商品都有。 ▲首推超輕量餐具系列：⽐平常的餐盤減輕約25%的重量，減重不減顔值，繽紛⾊彩和多樣尺⼨選擇。 ▲冬天必備懶人毛毯：特別設計可以把手伸出來，玩電話超方便。 ▲鍋具系列：不易粘鍋方便清洗。 ▲餐具系列：可愛又實用的日系風格餐具。 ▲磁吸式廚房收納系列：無需在牆上打孔，可以隨時取下，美觀簡潔。 ▲樂富分店特設北海道物產展，提供不同的北海道零⻝。...
九龍嘆生活好地方潮流黃大仙區

都市熱話：【「日本國民家品店」NITORI 開設第二間分店！選址地鐵站商場 出閘行2分鐘即到！超方便！
】

來自北海道的「日本國民家品店」NITORI 近日宣布在香港開設第二間分店，位於樂富廣場B區。NITORI主打性價比高，價錢親民，當中有大型傢俬、窗簾、寢具、小型家品等等。現時只公布選址地點，開幕時間仍有待公布。 自上年9月正式進駐香港後，評價好壞參半，九龍灣分店在Google評分中僅獲得2.9分。有網民表示香港分店據信是使用深圳分店的貨源，甚至連部分日本製造貨品的包裝都貼上內地版本的標籤。未知今次新店會唔會為大家帶來驚喜？ ▲「日本國民家品店」NITORI 於2023年登陸香港，主打性價比高的日系家品，價錢非常親民！ ▲九龍灣的旗艦店面積佔地約2萬平方呎，貨品總類超過5,500件。而樂富分店面積都應該唔細，現時商場二期一樓全層則圍上木板，相信到時除了大型家俬，還有大量日本小家品可選購！ ▲九龍灣的旗艦設有多個分區，包括陶瓷餐具區、家品區、化妝區、傢俬區及廚具區，相信樂富分店規模將會相近。 NITORI樂富分店 地址：樂富廣場二期一樓開幕日期：待公布 文字：香港人遊香港...
好地方九龍家庭拍拖黃大仙區

香港好去處：【MCL接手鑽石山荷里活廣場戲院！成東九龍區最大型戲院+預今個夏天開幕！】

早於今年3月，鑽石山荷里活廣的百老匯影院宣佈租約期滿關閉，令不少影迷感到可惜。不過MCL Cinemas於昨日宣佈，「麗新集團MCL院線」全新影院品牌將進駐鑽石山荷里活廣場，成為東九龍區最大型戲院！《MCL CINEMAS Plus+ Plaza Hollywood》全院總面積約38,000平方呎，分為兩層，共6個影廳，提供約1,611 個座位，預計今個夏天開幕。
好地方九龍黃大仙區

都市熱話：【出Pool攻略！元宵節拜月老！隨緣捐助獲月老手繩！】

元宵佳節就到喇！相信唔少單身人士都想喺新一年成功出Pool！今年嗇色園黃大仙祠就延長開放至晚上9時，各位番工番學人士收工都去到祈求密運，各位可以祈求月老賜一段美滿姻緣，有另一半的都可以祈求姻緣順逆。元宵節當天寺廟內亦乎增添多種燈飾裝置，各位參拜人士隨緣樂助（捐助資金）可獲贈月老手繩。 ▲善信可以用園內提供的紅繩參拜，祈求月老賜一段美滿姻緣；就算已有另一半，都可以祈求姻緣順遂。 ▲隨緣樂助即可獲贈月老手繩乙條，寓意「千里姻緣一線牽」，數量有限，送完即止。 ▲由農曆正月十五日（2月26日）起，往後每逢農曆初一、十五，黃大仙祠將會延長開放至晚上9時。 文字來源：香港人遊香港/圖片來源：@嗇色園黃大仙祠...
好地方九龍黃大仙區

香港好去處:【鑽石山港版小京都志蓮淨苑！隱世打卡景點！必影打卡位！午橋/圓滿閣/蓮花池/天王殿！】

志蓮淨苑和南蓮園池位於鑽石山鬧市之中，絕對係市區中的一片綠洲！假日來到放鬆下都幾唔錯，園池展示了中國傳統的園林和唐代建築風格設計，寺廟入面的長廊、蓮花池都好啱影相打卡！入面有花木奇石、亭台樓閣、荷花池和瀑布，園內有多個木製建築，包括有午橋和圓滿閣、天王殿。 ▲志蓮淨苑是一座廟宇，南蓮園池是個古式園林，兩者都是仿照唐代藝術風格設計，相互毗連。這裡雖然位處繁華喧鬧的市中心，但別具寧靜平和的氣息，是都市中的淨土。 ▲南蓮園池的烏頭門，參照敦煌壁畫設計。 ▲園內有多個木製建築，花園中有午橋及金光閃閃的圓滿閣，這些構造全部根據唐代建築風格設計，而且並沒有使用過一顆釘子穩固建築。 ▲其實志蓮淨苑的天王殿寺院和日本京都金閣寺採用同樣設計。 ▲想要享用美味的素食餐點，不妨前往南蓮園池內的龍門樓志蓮素齋。 ▲龍門樓出面的銀帶瀑布。 文字來源：香港人遊香港/圖片來源：@sophia_enjoythelittlethings…@discoverhongkong...
嘆生活九龍好地方潮流黃大仙區

新店開幕：【樂富開AEON 12蚊店！佔地4,000呎！推買5送1優惠！】

Living PLAZA by AEON 進駐樂富，佔地約4,000平方尺，提供約9,000款貨品任君選擇，主打多款日本直送商品，化妝及個人護理用品、精品、文具、家居用品及小食等，貨品琳瑯滿目、性價比高。當中最受歡迎是迪士尼系列，不但有迪士尼文具外，更有家品、收納產品等。由即日至9月13日，推出買5送1優惠，大家把握機會啦！ ▲小熊維尼束繩袋 ▲護膝套 ▲迪士尼收納產品 ▲迪士尼貼紙系列 ▲波子汽水啫喱，仲有大量日本直送零食 ▲陶瓷碗碟 ▲由即日至9月13日，推出買5送1優惠。...
九龍黃大仙區

親子好去處：【新加波概念歷奇遊樂園登陸慈雲山 濕身嬉水/大型波浪繩網陣】-慈雲山中心

帶小朋友去室內遊樂埸玩係其中一個放電好去處，但每次需要洗錢。慈雲山中心係今個月開設一個以新加坡概念嘅戶外歷奇樂園，成個遊樂設施好多元化，有濕身嬉水區、大型波浪繩網陣、戶外彈床同埋兩層高巨型滑梯。歷奇樂園仲特設一系列適合 2-5 歲兒童的遊樂設施，有合適嘅滑梯、攀爬繩、高底起伏嘅山形裝置和爬行隧道，仲有彩虹顏色嘅森巴鼓，好玩之餘亦有助訓練幼童的協調性。 ▲成個遊樂設施好啱所有小朋友放電，遊樂空間大膽用色彩繽紛為主，藝術感十足 ▲大型波浪繩網陣適合大齡小朋友遊玩 ▲大型波浪繩網陣，繩網中自由穿梭，有助小朋友鍛煉敏捷身手 ▲繩網旁邊設有定時灑水的嬉水裝置，增添小朋友歡樂氣氛 ▲追求更刺激，可以挑戰2層高巨型滑梯，80、90年代嘅回憶即返嚟 ▲仲會有水池！ ▲為咗幼兒需要，埸內更設有合適身高嘅設施，例如有合適嘅滑梯、攀爬繩、高底起伏嘅山形裝置和爬行隧道，仲有彩虹顏色嘅森巴鼓 戶外歷奇樂園 地址：九龍慈雲山毓華街23號慈雲山中心...
好地方九龍九龍行山黃大仙區

行山路線：【行走獅子山獅尾脊！感受大地在腳下！】

[駐場博客小牛牛快樂行山郊遊相集by Chan Keung] 山竹過後，有好多 行山 路線大樹倒塌被封閉，政府有關部門都慢慢修復過來，但係有啲行山人仕自行開發嘅路線就有待山友自行清理了。所以有部份山線仍有待”打通”，可是小編偏喜歡捐窿捐罅，今次就小試牛刀，走走獅子山獅尾脊。 首先由沙田坳道法藏寺後面登山入囗起步，呢度有幾條登山路線，分岔路多，每走一小段就要打開行山路線apps，查核一吓有冇行錯路。走了一小段發現有好多大小樹幹倒冧，打橫封鎖路線，唯有逐一小心攀過，但遇上爬唔過就唯有繞其他路缐行呢! 爬爬捐捐好快就到達獅尾脊入口，走多一小段就見倒~天梯石。天梯石其實是一組由幾嚿巨石拼合而成的一條長長石梯，面積大約長90尺濶10尺，因為外形似一條梯直上天空，所以名稱由此得來。打卡後直上靠右轉入石馬外脊，順道走訪埋石馬。拍照後又經過儍人塔，繼續沿獅尾脊上獅子山頂。好快就到達山頂，剛巧是日落時份，在獅山頂觀看日落， 俯瞰整個東九龍，真係美不勝收，賞心樂事，多麼壯觀呢! 拍過夠後沿麥理浩徑5段直走，經過筆架山落山完成旅程。 ▲獅子山不難找到打卡靚位 ▲夕陽多美 ▲獅尾脊上觀看美麗夕陽 ▲山竹過後有部分路線仍有待清理 ▲風雨過後部分路段有封佐有待山友打通 ▲山頂懸崖位置比較危險小編不建議攀上 ▲天梯石由幾組巨石堆砌而成 ▲有大地在我腳下感覺 ▲巧遇美麗雲彩 ▲獅尾脊直上獅子山 ▲夕陽美景令人心曠神怡 ▲石馬脊上的石馬 ▲天梯石 ▲有多條分岔路建議先安裝行山地圖apps ▲每逢假日獅子石都人頭湧湧 ▲穿過石縫 ▲筆架山日落美景 ▲俯瞰東九龍美景 ▲部分路段比較崎嶇 ▲獅子山頂有多個打卡靚位 ▲獅尾脊部分路段比較崎嶇需手腳並用...
好地方黃大仙區

【行山路線：居高臨下！黃大仙行大老坳石芽背！】

[駐場博客小牛牛快樂行山郊遊相集by Chan Keung]首先坐港鐵到黄大仙站落車，一直向沙田坳道向方直上，初時大段斜路的確幾吃力，過咗聖母醫院，再上就見倒法藏寺，沿馬路直上，見到幾棵超巨型榕樹，估計有60-70米高，樹身非常粗壯，連樹根都有足足一般樹身咁粗。拍照後繼續沿馬路直上，間中有汽車上落，要注意安全，又有不小晨運客和跑山友愛在呢度操練。 小編途中發現一條紅脖游蛇，顏色鮮豔應該係有毒的，夏天佢哋比較活躍，通常都唔會主動攻擊人，所以見倒唔洗驚，亦唔好打擾佢哋，避開就可以了。 拍照後繼續上路，到達紫竹亭，石牌匾後是一條紅色的石樓梯級，兩旁都有啲苔蘚，灣灣曲曲設計，充滿懷舊風情。 接著直行經過獅子亭之後，正式踏入衞奕信徑4段，其實都係石屎馬路一條，到達吊草岩，大老坳，有幾個開掦位，可以虎眈整個東九龍，非常美麗， 更有人夜晚揸車上嚟睇夜景的確好正。 影完相之後正式進入麥理浩徑4段，經過基維爾訓練營，呢度有好多鍛練技能嘅設施，攀繩，爬長場， 繩網陣…等等。小編繼續沿山徑走，到達石芽背山脊，右面係黄牛山，左面係落山住花心坑，本來好好天，打算去埋黄牛石城，點知突行雷~轟轟轟， 個心即刻離一離， 好驚俾雷電擊中，唯有沿山脊速腳落山，呢段路有小小崎嶇，部份路段野草茂密，不過唔太難行，好快就到達花心坑完成旅程。 ▲由黄大仙站起步經過聖母醫院再經過法藏寺沿沙田坳道出發...
九龍好地方港活動黃大仙區

【親子打卡處：去樂富消暑玩樂！感受動感冰夏！】

[博客授權分享：甘逸事]  樂富廣場會係7月12日至8月19日期間，迎接暑假，變身成為冰天雪地!奇異媽媽今日就同kiwi仔黎試玩下先! ▲下午時間黎到排隊試玩不算太多人!好快已經有得玩!玩滑梯之前工作人員會叫大家先除鞋放上鞋架上，再慢慢行上樓梯，之後會派發一條毛毯比你可以放係大脾上面抱住小朋友一齊滑落去。(用後記得要歸還比工作人員喔!)八號風球滑梯速度真係十分快，我同kiwi仔都忍唔住尖叫出黎! ▲免費開放任玩六米長既「八號風球滑梯」ice slide。 ▲玩完滑梯，可以排隊玩下「滾動破冰之旅」。由六位參加者係兩分中內，將冰球順利運送到目的地，就可以贏取分數。(我同kiwi仔第一個球竟然跌左入零分區〒_〒 )商場仲會係星期五同週末，每兩小時就選出最高分既一隊，送出獎品。有興趣既朋友，不妨可以去挑戰下丫! ▲門口仲有一個影相打卡位，可以影出被冰封既效果，千祈咪錯過! ▲場內設有-20度既冰屋，只要消費滿指定金額，就可以入去影相架喇!而星期五、六、日仲可以歎埋冰極飲品，或者換領冰感首飾，仲可以參加埋「雪之戀人工作坊」添，親手製作浪漫雪景玻璃球。如果無消費又想玩既都可以排另一條隊，但因為實在太多人排，所以我同kiwi仔就無去入到去參觀喇 ＊此文章由甘逸事授權分享，原文網址：樂富廣場:動感冰夏Summer Freeze 動感冰夏Summer Freeze...
九龍好地方黃大仙區

【偽．京都和式庭園】

位於九龍鑽石山的喧囂城區，高樓合圍，一方林木蔥鬱佛教淨土卻大隱隱於市，志蓮淨苑及其庭院南蓮園池。要到達，先要穿過斧山公園，係一個模仿唐朝風格又有d日式味道既公園，共分為三個部分—東蓮園、西蓮園及南蓮園池。三個園區環抱志蓮淨苑，構成一個大型的仿唐建築群。我們首先到了南蓮園池。 ▲中國木結構建築藝術館是園內主要的大木構建築之一，唐朝風格的建築很氣派，也充滿了細節。 ▲志蓮淨苑回復唐代風格，素色既木建築，唔難拍出好照！ ▲斧山公園原址是木屋區，香港政府於1988年進行拆遷，將其改為休憩用地，也就是後來的斧山公園。 ▲南蓮園池以棕色木頭為主，其日式園林幽玄禪意，又飽含大唐風情古韻。 ▲南蓮園池的著名景點－圓滿閣。金色的八角亭佇立在蓮池裡，以紅橋連接。 ▲無論係木門一角定係暗暗既迴廊，都十足京都風！ ▲園中有池，池中有島，島上有閣。亭、台、樓、閣、榭、軒、橋，點綴園中各處，只要細心捕捉鏡頭細節，就隨時影到美美街拍！ 南蓮園池 開放時間： 07:00–21:00電話： 3658 9366 文字來源：香港人.遊香港／圖片來源：lamwawaaa、chereenfrancis...