甜點控注意！珍寶珠同萬樂珠呢兩樣糖果，小朋友都冇可能未食過。但係真係估都唔估唔到，呢兩樣甜耶耶既糖果，可以同美妝產品混為一體，完全係童年回憶既代表！珍寶珠價錢平多口味仲可以有排食，Pure SmileDelicious Lipcream今次推出聯乘珍寶珠棒棒糖口味潤唇膏，有5種人氣口味。而另一個童年經典當然係薄荷萬樂珠，適逢萬樂珠14周年，萬樂珠就同台灣innisfree推出聯乘控油蜜粉底。
珍寶珠護唇膏
▲珍寶珠係全球160地區出過100幾種味，不過小編都係獨愛可樂味！今次護唇膏聞起來真係有甜椰椰既可樂糖果香氣！
▲4月28日先推出，已經引起話題外，其實也很實用，護唇膏添加左荷荷巴籽油、夏威夷果油等滋養成分，塗雙唇上真係好似食完珍寶珠，留下水潤光澤。而包裝都係特別根據每一款口味設計。
萬樂珠控油蜜粉底
▲innisfree 人氣「無油無慮礦物控油蜜粉」 有6個口味哈密瓜、葡萄、薄荷、蜜桃、檸檬、車厘子！包裝以萬樂珠糖果盒為設計概念，每一款都散發不同經典糖果香氣！
▲innisfree今次呢個控油蜜粉底有定妝及控油效果，仲可以當爽身粉吸附汗水，令春夏之間有個清爽既時節。
Chupa Chups 珍寶珠護唇膏
開售日期：2020年4月28日
發售地點：日本地區各大藥妝店
innisfree x 無油無慮礦物控油蜜粉
售賣地點：全台灣innisfree
開售日期：2020年4月1日
文字來源：香港人遊香港 / 圖片來源：台灣innisfree、日本Chupa Chups