一場武漢肺炎，令大家旅行計劃打消。係時候plan定下次旅行既行程（雖然唔知幾時先去得～），如果大家係狗狗控，黎到台中市神岡區，一定要到訪依家友善寵物餐廳，入場收費100蚊，可以抵餐點消費。店內有10隻金毛尋回犬+1隻臘腸狗，佢地都好鐘意同旅客玩。而黃金獵犬都非常和藹可親，性格溫純乖巧，狗狗經常充滿陽光笑容，見到都令人好治癒！
▲獵犬不打獵寵物主題餐廳入場係人頭費台幣100元，黎到就可以同狗狗玩耍。
▲同店家領取狗狗專用食糧，就可以餵狗仔。
▲全店唯一臘腸狗，性格特別鐘意與人作伴。
▲台灣人就可以帶自己毛孩黎！
▲除左餐廳之外，仲有寵物住宿服務，仲有主人同狗狗共同住宿服務都冇問題！
▲狗狗真係好cute，不過如果見到佢休息緊就唔好整醒佢。依家台灣大熱餐廳之一，好多人排隊。
▲必點咖喱飯都係狗狗圖樣，相當可愛！
獵犬不打獵
地址：台中市神岡區承德路18號
門票：100元/人，可全額抵消費
營業時間：星期三至日10:30-20:30（一、二公休）
注意事項：請勿任意餵食店內狗狗，若有需求可洽店家領取專用食物；寵物排泄物須自行清理，店家提供清潔袋。
文字來源：香港人遊香港 / 圖片來源：@sachitotsuka、@puppy_tsaiiii、@melonielinnn、@cacilia5290、@ruan_yu