自從Krispy Kreme退出香港市場之後，要食到好食既冬甩就要去旅行果時食！人氣冬甩品牌Krispy Kreme每次推出新搞作既限定口味限定，都引起全城注意！今次泰國限定同朱古力榛子品牌Nutella合作，研發左了朱古力榛子夾心Nutella味冬甩 ，香濃榛子醬配上原味冬甩，表面以朱古力脆皮示人，最後加上榛子碎粒，又吸睛又邪惡！適逢泰國對中港澳旅客封關意向「彈出彈入」，最後當地旅遊局否認封關消息，依定計劃左行程既朋友可以安心plan行程喇！
▲ 之前冬甩專門店Krispy Kreme既多米尼加共和國 (Dominican Republic)分店都有快閃地推出類似口味，不過當時就冇表面既朱古力脆皮同榛子粒粒
▲ Krispy Kreme聯乘Nutella朱古力榛子醬流心冬甩係泰國分店限定（THB35）（折算港幣約$8.7）
▲ Nutella set （THB296）（折算港幣約$75）包括6隻Nutella朱古力榛子醬流心冬甩、原味冬甩同3款自選款。
▲ Nutella朱古力榛子醬流心冬甩一推出就好受歡迎！
▲ 今次限定仲有Tiramisu Nutella沙冰飲品（THB105）（折算港幣約$27）今次呢個聯乘係3月限定，由即日起供應至3月31日，朱古力控又咁岩呢排會去泰國朋友一定要試！
Krispy Kreme x Nutella朱古力榛子醬流心冬甩
限定售賣點：泰國地區Krispy Kreme
限定日期至：2020年3月31日
文字來源：香港人遊香港 / 圖片來源：@korja_kin