黃花風鈴木同紅花風鈴木處處盛放，引起一股打卡潮，反而大部份大熱旅遊地區都對香港封哂關，櫻花睇唔到，唯有行下天水圍公園賞下花，有d公園行過望過都感受到絲絲春意！但係除左黃花風鈴木同紅花風鈴木之外，香港仲有白花風鈴木都非常吸睛！白花風鈴木呈冷淡高傲既白色，顏色冇紅花風鈴木咁驚艷奪目，反而尤如白雪掛係樹木枝椏之上。
▲ 白花風鈴木同黃花風鈴木一科，屬於落葉喬木，風鈴木樹幹較高。
▲ 白花風鈴木係香港好少見，係天水圍公園都係得一棵！
▲ 粉白風鈴木視覺效果同日本櫻花比較一d都唔輸蝕，粉白風鈴木朵朵花團錦簇，同櫻花平均四散感覺截然不同。開花時無葉，令花朵更明顯。
▲ 粉白風鈴木花花冠呈鈴鐺狀，大約長7-8厘米，呈雪白色
▲ 花朵落下時更顯落英繽紛，有如白雪飄下一樣
天水圍公園
地址： 天水圍天瑞路6號
交通：天水圍西鐵站（輕鐵站出口E1）
文字來源：香港人遊香港 / 圖片來源：Shirley Tsang