細個冇乜邊個唔鐘意講屎尿屁，不過阿媽教落呢d排泄物係不可褻玩之物，否則拿屎上身，後果先負。不過日本玩具公司EPOCH唔知係咪玩到冇野好玩，居然便便都玩，呢款超搞笑扭蛋玩物一共有3種，共有6種款式可以扭，遊戲有彈射便便、馬桶堆便便同便便配對遊戲，登場迷你便便形狀就有條狀同螺旋狀，真係好搞笑！小編提提你食緊野或剛剛食飽就請先迴避，唔好睇下面內容住喇！
▲今次有彈射便便、馬桶堆便便同便便配對3種遊戲
▲官方Twitter 發佈彈射便便實玩影片，將扭蛋殼當成馬桶並放上馬桶蓋紙，然後控制彈跳機關睇下你中唔中先！
▲堆便便呢個Game真係考你玩屎技巧！係馬桶內堆最多便便，讓便便倒塌或掉出來就要重新開始終。馬桶體積唔大，玩起來好刺激！
▲呢個配對遊戲，當成井字過3關玩
▲便便系列扭蛋已經在日本上市，有機會去日本既可以留意下。
Epoch便便系列扭蛋
扭蛋位置：日本各地
圖片來源：日本EPOCH