沙田商場近日為大家喺「New Year Blessing Instapop 緣起 祝福打卡館」帶嚟十五款日本「緣起物」，一方面可以俾大家過番一個富有日本風情嘅新年，另一方面又可以帶啲幸運俾香港人。除咗呢十五個日本風嘅打卡位置之外，商場仲為大家帶嚟一連串新年活動，例如「 轆一轆新春心意站」自己DIY獨一無二嘅賀年揮春、「新年祝福投壺」考下大家嘅眼界同運氣。到時仲有圓轆轆嘅招財貓同大家拜年，快啲拉埋親朋好友過嚟喇。
▲ 「萬萌達摩市場」，咁多達摩圍住你，一定好幸福。希望大家同達摩一樣，絕對唔會倒下。
▲ 「緣起物大集匯」，牆上貼滿日本緣起物: 富士山、招財貓、櫻花、達摩。
▲ 「Happy Life Neon Light」，配上霓虹燈造型，打卡一流！
▲ 「大力 – 搥舊歲」，一齊敲走以前嘅煩惱呃運，希望新一年無憂無慮！
▲ 「迎春招財拜早年」，咁可愛嘅招財貓邀請大家去佢屋企拜年。
▲ 「萌貓達摩神社」，化身貓貓嘅達摩一樣咁可愛！
▲ 「必勝神社」。
▲ 「祝福壽司亭」，象徵身體健康嘅綠色達摩，祝福大家新一年健健康康。
▲ 「學業進步加油社」，最啱一眾DSE應屆考生，一定可以科科五星星！
▲ 「新春初湯浴場」，新一年沖番個涼去舊迎新。
▲ 「新春集福IG趣拍站」，免費印番張喺「祝福打卡館」嘅相。
▲ 「緣起 祝福遊戲站」，成為通關可以得到份新春消費禮遇。
▲ 「新年祝福投壺」，快啲過嚟試吓身手贏取小禮物啦！
新城市廣場
地址：沙田沙田正街18-19號1期2樓
電話：2608 9329
營業時間：10:00 – 22:00
文字/圖片來源：香港人遊香港