今個聖誕挪亞方舟將變成「童萌聖誕大派對」，小朋友可以放電同時，大朋友童心都一定會返晒嚟！場內有八個園區，戶外戶內的活動都非常精彩，當中必玩既「啤啤熊之友製作室」，由入棉花到縫紉都係自己做，仲可以幫啤啤熊著返套「型仔」衫，完成後更有「出世紙」。小朋友係「童夢聖誕市集」可以化身成小店主，親手製作爆谷、甜品等。場內仲有充氣彈床、電動車遊樂園、巨型保齡球、極速賽道比賽、電流挑戰、空中索道等刺激好玩嘅遊戲！於官網買小童門票，仲可以優先預留2項活動名額！
八大園區 配聖誕限定活動
1.啤啤熊之友製作室
上年大受好評的「啤啤熊之友製作室」再度回歸！大人同小朋友都可以親手製作屬於自己的毛公仔，可選擇製作經典啤啤熊，亦可以選擇製作專誠從南極而來的小企鵝、天真純樸的小山羊、機靈敏捷的松鼠先生和懶洋洋卻一副萌樣的樹熊小姐等等。
▲由入棉花到縫紉都有導師指導，全程自己親手做，製作出屬於自己獨一無二的同伴好友，完成後仲可以幫公仔改名同拎「出世紙」
備註︰活動另需收費
2. 一邊玩一邊學科學！ STEAM極速賽道＋電流挑戰
「STEAM極速賽道」 要小朋友運用融合科學、藝術、數學等STEAM 的跨學科知識設計出自己的松木賽車出戰比較高下。
▲松木賽車可於賽道上實試速度，等小朋友可以摸索當中動能、力學、地心吸力等原理，作出改良再改良，以打造出最佳速度的戰車。
▲「電流挑戰」則考驗小朋友的專注力和手眼協調能力，運用「電流棒」過關。
3. 童夢聖誕市集 化身做小店主＋親自整爆谷
小朋友在聖誕市集會化身做小店主，由製作甜點到招待客人，全部由他們主理，能夠嘗試經營店鋪的樂趣之餘，亦能學懂待人接物。親自炮製的甜品還可以帶回家品嚐！
▲小朋友穿上圍裙，學習打理小店，親自炮製不同甜品。
備註︰各小店需使用2張遊戲券
4. 戶外競技場 激FUN天地
戶外區域設有多個大型設施，包括充氣彈床、電動車遊樂園、巨型保齡球等玩意。
▲小朋友可於電動車遊樂園，試做小車手。
▲充氣彈床讓小朋友試煉自己的彈跳力。
備註︰每個活動需使用2張遊戲券
5. 全新戶外遊樂場 巨型火箭滑梯＋繩網陣
為小朋友設計的全新跳蹦蹦戶外放電遊樂場，設有巨型旋轉滑梯和空中繩網，可鍛鍊小朋友膽量之餘，仲可以幫手「放放電」，相信係媽媽最愛活動之一！
▲「躍動天地」戶外區域設有以船和火箭為主題的設施，場內備有巨型旋轉滑梯。
▲係高空下，體驗繩網關卡，鍛鍊小朋友膽量。
備註︰「躍動天地」只適合5至12歲之小童
6. 鹿車飛馳天地 體驗馳騁的樂趣
今年聖誕老人就借出他的小鹿車，學習駕駛特訓，體驗馳騁的快感，騎著小鹿車穿梭各處，一嚐揸聖誕鹿車的滋味。
▲身高110厘米或以下之小童參加時須由家長或監護人陪同；每輛鹿車最多可載一位小童及一位成人；總盛載量不得超過250磅。
7. 刺激體驗 空中奇遇索道
今年8月先推出的全新空中索道Zipline亦開放俾大人同小朋友玩，體驗凌空穿梭樹叢中滑行的快感，眺望馬灣海峽的景色！
▲「空中奇遇索道」只適合7歲及身高不少於110厘米人士；並視乎天氣情況而定。
備註︰需另收費30元
8. 打卡必到！e-Planet夢想星球 欣賞北極光＋紅葉＋螢火蟲夜空
全港首個以大自然為主題的光影互動展館，用光、影、音互動技術打造出各個大自然場景，讓安坐室內也可欣賞生態之美，館內有4個光影展區，分別以森林、海洋、四季及未來城市為主題，就連北極光、晚秋紅葉同螢火蟲夜空都可以睇到。
▲展館用光、影、音互動技術打造出各個大自然場景，小朋友可以看到螢火蟲夜空，更可伸手觸摸捕捉屏幕上的螢火蟲進行互動。
▲「千色四季」展館的巨型屏幕上將初春森林裡的瀑布、盛夏間成群結集的螢火蟲、秋涼的楓樹紅葉、嚴冬的北極光都一一展現眼前。
挪亞方舟「童萌聖誕大派對」
活動日期: 2019年12月7日至2020年1月1日(逢星期六、日及公眾假期)
時間: 上午10時至下午6時
地點: 香港新界馬灣珀欣路33號
購票網站: http://www.noahsark.com.hk
(於官網買小童門票，仲可以優先預留2項活動名額！)