fbpx
香港人遊香港

遊台灣美食:【係台灣都食到勁大份韓國雪冰! 兩個人都食唔晒!】- 那家賣冰的咖啡店

韓國雪冰可能好多人都一試難忘,而家係台灣都食到勁似韓國雪冰既綿花冰!呢間隱世於林口市場裡的小店,店名就叫「那家賣冰的咖啡店」!呢間賣冰既咖啡店,引入來自韓國既製冰機,可以做出同雪冰一樣細同綿既冰!重點係同樣落用料,小編就去試左個抹茶紅豆麻糬冰,抹茶粉超多,紅豆有兩層而且好濃味,食到底都唔需要加煉奶都一樣好味!除左抹茶仲有Tiramisu同芒果芝士冰都好受歡迎,芝士磚真係濃到不得了,邪惡滿分!個冰份量十足都只不過賣200幾台幣,兩個人食都夠晒飽!

▲呢款抹茶紅豆麻糬冰,份量十足!抹茶粉多到要灑出黎咁,味道非常濃!

▲紅豆份量十足,足足有兩層咁多!而且味道好濃,同抹茶非常夾!

▲店主特意引入左來自韓國既製冰機,令底冰似足韓國雪冰一樣,非常細滑同綿,同本身既味道好快融合埋一齊,入口即融!

▲Tiramisu味都係佢地既招牌,上面既芝士磚超濃,而且有成6-8塊,完成落足料!

▲芒果芝士冰都非常澎湃,芒果多到要跌出黎咁!非常消暑透心涼!

▲份量十足既雪冰價錢都只係NT190-230左右,比起韓國雪冰仲要平!口味選擇非常多,當然小店都仲有其他甜品同咖啡選擇添。
▲小店就叫「那家賣冰的咖啡店」,非常直白簡單XD 因為隱身係林口市場內,平日客人唔算多,而且環境光亮舒適,適合同閏密黎歎個乒量十足既下午茶!

那家賣冰的咖啡店

地址:新北市林口區林口路10號
電話:0988 867 455
營業時間:11:30 – 21:30 (星期一: 12:00-21:00)
_______________________________________________________________________________
文字來源:香港人遊香港 / 圖片來源:香港人遊香港、@wen_780310、@guanchi_

Follow us

合作查詢

歡迎與我們聯絡, 查詢合作