西九文化區海濱開左間勁chill既cafe，炎夏經過坐低飲杯清涼既凍啡，係下午一大樂事，原來呢度日頭係cafe，夜晚就會搖身一變成為一間Gin主題酒吧，無論係cafe出品既咖啡飲料，定係晚上出品既Gin Cocktail，就以一絲不苟既心態製作。呢度經嚴選之後，只賣單一產地咖啡豆，非常認真專注，要歎咖啡就先要揀好咖啡豆同杯子，因為唔同既組合同配搭之下都會有截然不同既效果。而晚上黎到就可以試試由本地冠軍級調酒師泡製既Gin tonic，佢地以茶、烈酒既完美結合，製作入口淳香既tea cocktail，都好值得愛好杯中物既朋友黎試下！
▲Latte，沖 latte 既 espresso 底有有7款任揀，以淺至中焙為主，迎合唔同口味既朋友仔！
▲抹茶Latte 亦製作非常認真！有3款京都抹茶粉可選，以茶筅打拂抹茶至起泡
▲抹茶Latte 即打即撞入牛奶，來自京都既抹茶茶味沉韻甘香，而牛奶質感順滑圓潤。
▲面對維多利亞港絕美景色，有小食同飲品，可以扮文青chill一日。小食必點以A3熊本和牛既三文治，醬汁係用wasabi 蛋黃醬、林村有機荔枝蜜
▲夕陽西下，一邊睇日落一邊歎返杯凍飲實屬一流。呢度提供優美海景、寧靜、舒適空間
▲夜幕低垂，係tea cocktail上場既時間！
▲店鋪內不時會邀請樂隊做音樂分享，有幾晚仲會同食客大合唱《願榮光歸香港》
Coffee Gin Rest (唞唞)
地址：油麻地西九文化區藝術公園
電話：2697 8938
文字來源：香港人遊香港 / 圖片來源：muimiumui、@rest.coffee.gin、@aeostudio、@jaimefcy、@kimmichimchim