fbpx
香港人遊香港

山頂打卡:【全球首間大富翁主題館開幕!親身體驗買地契入監獄!】-大富翁主題館

全球首間大富翁主題館開幕!親身體驗買地契入監獄!

大富翁相信大家都玩過,黎緊十月底全球首間大富翁主題館將會係山頂廣場開幕,全息投影同4D體感技術會將大富翁現實化呈現,玩家可以置身遊戲,體驗多個經典場景同遊戲過程,包括買地契印上自己名、使用大富翁紙幣購物、仲有多個經典打卡位如銀行、監獄、大富翁先生的金庫、神秘大宅等場景都神還原,好有熟悉感!係火車站4DX影院,玩家戴上3D眼鏡,可以同大富翁先生一齊與鑽石大盜展開激戰,體驗4D技術帶黎不同的感受,好有真實感! 係大富翁超級電子銀行,玩家可以透過遊戲收集大富翁紙幣作紀念,仲可以即時係大富翁夢想世界小食同禮品店變成現金使用,包括棋盤造型的三式爆米花、限量版大富翁、 鑰匙扣、杯、磁石貼等精美紀念品。


▲全球首間大富翁日題館將於十月底開幕,成為香港新地標,一眾大富翁迷一定要黎朝聖!


▲多個經典場景同地標都會神還原,玩家可以去唔同場地逐個玩同打卡!


▲主題館連街道同商鋪都神還原大富翁既場景,室外內佔地約二萬呎,係度玩大半日都可以!


▲係火車站4DX影院,玩家戴上3D眼鏡,可以同大富翁先生一齊與鑽石大盜激戰,加入左4D既觸感、震動、搖晃、光效、氣味、水霧、風效和氣流等8種不同的感受,夠晒真實刺激!

▲黎到金碧輝煌既大富翁先生既超級金庫,可以體感下做百萬富翁黃金包圍既感覺


▲監獄一定係其中一個最經典既地方,大富翁迷一定唔陌生,呢個主題館既監獄都設計逼真,好有真實感!


▲另一個經典一定係買地契!玩家可以係呢度印出地契卡,寫上自己個名,蓋上地契印章,真正有一張自己既「地契卡」。但地點隨機抽選,睇下你抽唔抽到最貴既太平山地段啦!


▲係大富翁銀行,玩家有機會得到大富翁紙幣留作紀念,得到既紙幣更可以變成現金係現場買小食同紀念品添!


▲現場仲有限量發售既大富翁版本同各種紀念品,大富翁迷一定唔可以錯過!

大富翁主題館

地址:香港山頂道118號山頂廣場3樓
票價:成人hkd 260 小童及長者 hkd220(更有相片套票團體票等多種套票組合)
開幕日期:2019年10月26日
開放時間:10:00am – 10:00pm

———————————————
文字來源:香港人遊香港 / 圖片來源:Linda Cat – 邱蓮達

Follow us

合作查詢

歡迎與我們聯絡, 查詢合作