今次介紹既呢間餐廳好特別，睇個餐廳名會以為呢間野淨係得牛食，但其實唔係，呢間野仲有壽司、刺身、日式主食、燒肉、海鮮。而刺身係由日本空運到港，壽司師傅係個好有經驗既師傅，醬油更係佢自家浸，最重要既係呢間既刺身飯同壽司全部用日本珍珠米。除左日本和牛，美國頂級牛肉係呢間店既主打，海鮮都係。呢間店定時會有D好特別由日本空運到既海鮮，例如:日本鱈場蟹、活海膽、原條拖羅、日本生蠔。另都可以幫客人提供訂購各款海鮮添! 最值得一提既係呢度既燒肉係主要以石頭燒，平時既燒肉鋪都係用網燒或炭燒，用石頭燒有咩咁特別呢? 可以令到D肉唔會痂底，而熱力散佈平均無咁易燒燶擺係較中間位置既牛肉。
▲牛肉精選盛合($388): 呢個價錢都算貴，不過D肉油脂分佈得好好，食落去唔會咬唔開，同埋牛味好重! 牛少食多滋味，留番個肚食D咁令既牛仲好!
▲日本生蠔($58一隻): 生蠔有時會轉原產地，而每個地方既生蠔價錢都唔同，有時亦都會做優惠，例如買4送1咁。日本生蠔蠔肉好大隻，又唔重海水味，最緊要係唔腥同埋好鮮甜!
▲活海膽($88一個): 呢個食落去較一板板海膽鮮甜，唔係好重海水味!
▲增量海膽刺身飯($298): 用上韓國海膽，再加份量足足有成一板，要小心d食，如果唔係好易跌晒啲海膽，啖啖海膽之外，海膽底都仲會吞拿魚腩蓉，而刺身飯係日本米!
▲呢間鋪既燒肉都係用石頭燒既，石頭燒可以令到D肉無咁易痂底同埋熱力散布得平均。
牛石料理
地址:九龍城福佬村道51號地下
營業時間:12:00 – 15:00／18:00 – 23:00
電話:27162728
文字來源：香港人.遊香港／圖片來源：@kittymoon903、@nutsary_issi、@miss_mui_h、＠davidchan____