太子一向都多野食多選擇，今次小編介紹下一啲特色小食，香港人最近呢幾年都中意食川菜，但四川地道重慶小麵就相對上無咁常見。呢間係一間重慶美食小店，小店係家庭式經營，而老闆娘都係四川人黎。呢間餐廳個價錢好抵食，份量又多，有多款麵食、小食提供添。除左太子之外，亦有兩間分店，分別係元朗同大埔。除左九龍人，新界人都可以食到呢間既美食。
▲口水雞翼($24): 食落去其實同蒜泥白肉一樣味，只係白肉片變左做雞翼。
▲尖椒皮蛋($22):皮蛋唔係溏心蛋，醬汁撈花生碎加上爆香過嘅辣椒油好惹味。
▲紅糖冰粉($10):唔係好多地方都有呢碗冰粉食到，冰粉上有山楂及葡萄乾。
▲蒜泥白肉($24):白肉蒜香味十足，食得多有啲蒜既辣味，個底部鋪滿青瓜同辣油。
▲麻醬雞絲涼麵($26): 麻醬好香，成碗麵份量麵好多，係雞絲粉少左啲，面頭有好多花生碎。
▲麻辣雞絲涼麵($26):涼麵和材料份量充足，麻辣香得黎又唔算太辣，岩晒啲想食麻辣種香味但又唔太識得好辣既人。
山城小麵
地址:太子大埔道70號太子中心地下2B號舖
營業時間: 11:30 – 21:30
電話:23360605
文字來源：香港人.遊香港／圖片來源：@marutaberu、@cewhkk、@littlekiwi888