荔枝角鐵板燒:【荔枝角D2Place超高質鐵板燒餐!】- 繼

今次要介紹D2Place呢間餐廳,門口裝修到好神秘,睇餐牌先知入面係食咩。呢間餐廳係主打鐵板燒同埋廚師發板既日本餐廳,餐廳兩都係既鐵板燒檮,行到盡頭就有壽司檮,客人好多都會揀鐵板燒黎食,畢竟家陣太多做廚師發板既壽司店。呢間平均消費係$800以上,但星期一至日都有午餐Menu價錢經濟實惠好多,絕對值得一試,鐵板燒午餐有$268/$288兩種選擇。今次小編我食左$268呢個餐,起初都覺得貴但食完都覺得值得。

▲前菜會有個沙律比客人,會有一串沖繩既海葡萄。

▲右邊果個係大蝦,會用蝦頭啲蝦汁同埋蝦膏煎蝦肉,隻蝦好大隻又啲肉彈牙。

▲銀鱈魚煎到個面脆脆地,魚質好滑,會另外煎到個魚皮勁脆。

▲肉眼薄燒揀左五成熟,再加埋炸蒜片食好味。

▲廚師會將整和牛既油脂加埋入個飯到,炒飯仲會有煙肉,牛肉粒。

▲麵豉湯

▲炒雜菇,有本菇、芽菜仔,最尾先會上已經食到好飽。

▲廚師製左份焦糖多士,仲細心咁吩咐客人要隔一陣先食令到個焦糖皮更加脆。

▲紅豆粒牛奶布丁好重奶味同好滑。

▲鐵板燒位一共有3個區,每個區一個廚師即場製比客人食。

地址:荔枝角長順街15號D2 Place二期3樓311號舖
營業時間:星期一至日12:00 – 15:00/18:00 – 23:00
電話:37067703

文字來源/圖片來源:香港人.遊香港