太子糖水:【由IG Shop開到實體店!人氣依然旺盛! 】- 芋圓圓

近呢幾年芋圓係港人大愛既甜品之一,而呢間鋪頭前身係主要以IG Shop為主,IG shop果陣已經好出名,一般都要預早預訂先有貨,同埋仲要夾到時間係地鐵站交收,所以家陣開左堂食糖水鋪實在太方便,身為芋圓控既你又點可以黎試呢?不過唔好太晏先黎呀,因為試過啲芋圓賣晒! 家陣有兩間堂食分店,兩間都係太子站附近,同埋糖水款式會成日轉款,仲有生芋圓可以買番屋企自己再煲糖水食。

▲仙草芋圓($28): 配料每款份量都好多,食晒成碗都幾飽!

▲芋圓糖不甩($28): 芋圓好有咬口,加上啲花生椰絲碎,好食。

▲紫米露芋圓($28):食落去紫米味都好濃郁,甜度岩岩好,唔會太甜。芋圓份量都好多,絕對抵食。

▲生芋圓:可以買綜合五味400G $83,芋圓都係店主自家製,買完仲會教客人點樣煮係最好食!

▲新鋪既裝修,比起舊鋪應該係坐得更加舒服,無咁逼。

▲每日既甜品款式都唔同,有時會係IG出post公布,無既話就只可以去到先揀款式啦!

芋圓圓

地址:太子柏樹街1號地舖
營業時間:15:00 – 23:00

文字來源:香港人.遊香港/圖片來源:@ffff_fanfan@kinming1a44、@kim.cheng.792、@sweet_taro_taro