遊台灣：【到花蓮要黎試呢間壽司店！必食焦糖鮭魚壽司！】- 耕壽司

最近係IG度有間好火紅既壽司店開係花蓮，話呢間壽司店既炙燒鮭魚握壽司系列CP值好高，同埋有好多款口味可緣比客人選擇，最緊要係料又多又好食又好平！呢間鋪既營業時間好長，岩晒想食宵夜既人！呢間菜單種類好豐富，除左壽司之外仲會有刺身、烤物、揚物、鍋物、丼飯及定食等，真係去到都唔知揀咩野食好！

▲鮭魚刺身($250台幣一客): 每一舊三文魚都好厚切厚肉！

▲焦糖鮭魚握壽司(最右邊) ($35新台幣 1件):食焦糖鮭魚既時候，可以咬到脆脆糖衣，個口感好特別。

▲鮭魚親子丼套餐($370台幣): 套餐會有客沙律、一碗湯。刺身飯份量都多，建議兩個人Share食！

▲起司安格燒黑牛($55新台幣 1件): 燒完舊牛肉晒之後啲油味出晒黎，再加上有埋芝士係面，口感好豐富！

▲香酥炸蝦咖哩飯($180新台幣): 炸蝦唔會話個粉勁厚，炸到好脆！

▲門口既裝修好日式，有啲似去左日本啲寺廟度，岩晒客人黎打卡！

地址:花蓮市節約街16-1號
營業時間: 星期二至五 12:00-14:00/16:00-00:00 星期六至一 12:00-00:00
電話:03 832 1663

Sign Up