台灣美食:【台中必食CP值超高手作丼飯+壽司】- 信兵衛手做丼飯壽司

台中呢間刺身飯係一條巷仔入面,附近係住宅居區,店鋪夜晚著起燈既搭牌好引人注意。餐廳有好多款丼飯揀,有生刺身海鮮丼飯、火灸刺身丼飯同熟食丼飯,仲有唔同既日本小食、手作壽司等。呢間鋪一到午飯或晚飯時間都好多人排隊,有時啲料理仲會賣晒添! 刺身丼飯一碗價錢一般300-450新台幣一碗,但鋪滿晒刺身,刺身又鮮甜,所以性價比既CP值好高,黎開台中又想食日本料理既你記得黎試下!

▲新載海膽鮭魚卵丼丼(新台幣390):呢個價錢係香港都唔知食唔食到咁多海膽既刺身飯。海膽好鮮甜,食落去唔會好腥!不過一個人食既話咁多海膽會好流!

▲灸海膽干貝鮭魚塔-1件(新台幣180): 一件壽司有晒火灸海膽、帶子、三文魚,一啖放落口真係好滿足,帶子同三文魚刺身又厚身,成舊壽司份量都幾大件!

▲究極爆蝦丼丼(新台幣420):分別有天使紅蝦10隻、蟹膏、鮭魚卵。一送到黎見到咁多蝦真係有啲驚訝,啲蝦都好鮮甜,蟹膏份量都好高,建議呢碗要Share先好食。

▲牛五花握握- 6件(新台幣180): 舊肉燒完之後啲油香味滲晒落舊飯度,肉味又重,燒得好好食!

▲兵衛爆牛丼丼(新台幣360):分別有翼板牛、雪花牛,兩款牛配搭。見到呢個份量無從入手,食上層先但又驚一夾起就好易跌晒啲肉。建議影完相後就將啲肉放落碗仔度先。

▲門口掛滿晒燈籠同日式風格既裝飾,客人會有種好似係日本居酒屋既感覺。

信兵衛 手做丼飯壽司

地址: 台中市北區成功路478號
營業時間: 星期一至日11:00-14:00/17:00-22:00
電話:0987 292 354

文字來源:香港人.遊香港/圖片來源:@alps8936、@vien832、@3.fish.niw_a_a_n_n_n_g