想食得經濟d又有舒服既用餐環境，小編強烈推呢間行休閒親民路線既台灣菜，以明亮、舒適既陳設裝修，又一城呢間分店更襯托商場既採光，係兩三朋友食飯傾計／家庭聚會好去處。餐廳一直以實力取勝，好少做宣傳，專心做用一件事！所以特別注重食材既使用同品質既控制，為既係客人食到最佳既口感。雪白既金牌小籠包皮薄內餡鮮肉嫩口，想一啖食哂一隻要小心燙咀呀！魯肉飯唔係台灣夜市見開既細細碗，係大份量，tea set menu仲會配埋厚厚既豬扒，認真抵食！不過小編覺得呢度灌湯牛肉煎餅先係驚為天人，見佢外皮酥香以為會好乾身，點知咬落去真心爆汁，食果時流出香噴噴湯汁！小編偷聽到店員講，去太古分店tea set仲會送甜品架！
▲金牌小籠包 （$52）雪白既小籠包的的骰骰，夾起呈水滴形！內餡都尚算豐滿多汁，咬開只見肉汁即刻流出來！
▲牛肉麵（$108）紅燒牛肉麵牛肉湯式香濃醇厚，牛肉湯掛上台灣麵，口感一流！
▲牛肉麵（$108）呢度order一碗牛肉麵，係半筋半肉，牛筋吸收哂牛肉湯既濃郁，同時發放骨膠既軟滑口感。
▲牛腩更滿足埋肉食獸既慾望，一舉兩得！滿有油花既牛筋同牛肉完美融合一齊。
▲魯肉飯配豬扒，嚴選最靚既五花腩肉慢煮成魯肉汁，食落肥而不膩而且香濃四溢，呢個配搭仲加埋隻溏心蛋同豬扒，邪惡指數爆燈！
▲灌湯牛肉煎餅 （$46）外表平凡既煎餅煎得酥香十足，估唔到一切開係噴汁！
▲灌湯牛肉煎餅 （$46）色澤金黃，內裡牛肉相當濕潤嫩口，令人不能自拔地食完一件又一件，係必點item！
▲呢度食物出品高質，份量唔算細，叫多幾款個同朋友share食都冇問題！
▲九龍塘呢間巧妙地利用自然採光創造優質既用餐環境。
The Night Market
地址：九龍塘達之路80號又一城2樓43號舖
電話：28710003
營業時間：星期一至日 11:00 – 21:30
下午茶優惠限定：太古分店限定送甜品
其它分店：http://bit.ly/2VLLMZv
文字來源：香港人.遊香港／圖片來源：香港人.遊香港