講到睇紫藤花，大家好快就諗起日本九州福岡既河內藤園，但係唔講大家未必知，台灣苗栗都有個紫色控必定要到既打卡浪漫熱點，紫藤花開果時更係台灣情侶周末約會好去處。呢間咖啡屋以紫色作主題，紫色熊bear bear、吉他小木櫃，締做童話空間，加上紅磚牆面，好似進入紫色既夢幻世界咁！運氣好就會見到紫藤花海，落花時畫面更唯美，花瓣將染成淡紫色，食野之前一定要影相放上ig！除了紫藤花海外，呢度仲有多個打卡位，好似高鐵拍照專區、白紫相間的地板鋼琴咁，黎之前真係要將手機／相機充好電！紫藤花季入園每人需付100元台幣，可折抵50元消費。

▲呢個花季山長水遠黎到呢間緊係睇紫藤花海，地方只係細細，不過都有唔少紫藤花既踪影！

▲紫藤花一串串花朵低垂落來，睇落好治癒！

▲當花瓣緩緩落下的片刻都係特別浪漫！

▲覺得花太少，可以黎呢個仿真紫藤花隧道影杷打卡！

▲呢邊紫色貨櫃小屋，更係打卡熱點！

▲另外一邊既繡球花牆，吸睛度唔會輸比紫藤花

▲到處都油上淡紫色，包括可愛既小木屋

▲仲有呢個幸福鋼琴，各位小朋友都急不及待露兩手！

▲鋼琴道路

▲夢幻紫天使翼打卡位又點可能錯過？

▲呢個紫傘場景都好受歡迎！

噢哈娜咖啡屋

地址：苗栗縣西湖鄉金獅村2鄰金獅18-5號
電話： (03) 792-3902
停車資訊：園區入口馬路對面有免費停車場。
公車：搭乘 5667、5815，到「圖書館」站牌下車，再步行250公尺，約3分鐘即可抵達「噢哈娜咖啡屋」。
開花情況：噢哈娜咖啡屋fb page

文字來源：香港人.遊香港／圖片來源：@girl840508、@giwin.chang、@sss_shu0218_sss、@sammi1637、@papayu0823、@chihsuan0815、@ya___825