九龍城泰國菜:【超抵食又地道泰菜!沙嗲串燒夠惹味!】- 金泰燒烤

係香港食泰國菜梗係要黎九龍城食啦!九龍城出名食泰國菜既地方,有好多間泰國菜餐廳,但係邊間性價比最高呢? 今次介紹呢間泰國菜相對下都比較便宜,呢間小店由廚師到店員都係泰國人,係正宗地道既泰國菜小店。間鋪頭比較細間,如果人多果陣可能就要等一陣位啦!

呢度既串燒係最出名,特別推仲蒜蓉包同豬頸肉,每次食都要叫!豬頸肉燒得泥好脆又唔會太乾太硬。呢間鋪頭價錢絕對合理而且野食好食,大家有興趣試泰國菜記得試呢間阿!

▲椰青沙冰($25):食完串燒最好叫番杯椰汁沙冰飲下,飲落好香又有椰肉食下,飲落去又有種冰涼既感覺,唔會因為係沙冰而整淡左椰青果種青甜味。

▲泰式炒粉絲($52):配下肉碎、芽菜、蕃茄等配料一齊炒,粉絲亦都好入味。

▲串燒($12-$13 一串): 有雞全翼、豬頸肉、蝦餅、魚餅等。亦會配上兩種汁,一種是沙嗲汁一種是泰式辣汁。

▲泰式蝦醬炒飯($52):一上菜時已經嗅到蝦醬果種香味,炒飯炒到鑊氣十足,食落去亦都唔算特別油。

金泰燒烤

地址: 九龍城太子道西386A-B
電話號碼: 23838273
營業時間: 12:00 – 23:00

文字/圖片來源::香港人.遊香港