[博客授權分享：和牛B的成長日記] 放假要四圍去玩已經成為咗我嘅習慣，今日我哋帶咗和牛B去九龍區嘅公園。呢到其實我一直都好想帶和牛B嚟，但一直都唔到時間。呢個公園，真係超好玩，係估唔到屋邨入面都會有咁大型嘅免費遊樂場。
▲我講梗嘅係位於彩虹嘅坪石兒童遊樂場 (主題：遠古恐龍時代)。
▲公園細分咗3個區域，而公園嘅走動空間都好大，玩樂設施亦都好足夠。適合幼兒，亦適合5-12歲小童玩，而公園當然都設有男、女洗手間。先嚟個熱身，呢區比較簡單，體力運用方面比較少，適合幼兒玩樂。
▲影相靚位
▲來到第二個區，呢個絕對係重點玩樂區。有種探險嘅感覺，因為恐龍有關嘅裝飾特別多，有仿恐龍化石、石洞，仲有城堡!!
▲城堡嘅遊戲適合幼兒及5-12歲小童玩樂，有力量型、挑戰膽量型嘅遊戲。玩樂設施由上至下，由左至右都有，城堡仲有4組滑梯，有高、低、旋轉式亦有。
▲第二區另外一組較簡單嘅小城堡，適合幼兒玩樂。
▲石洞
▲七彩恐龍蛋
▲傳聲遊戲
前往方法：港鐵彩虹站步行約7分鐘（經坪石邨往山上走）公園設有停車場；星期一至五(公眾假期除外)：$8/每小時星期六、日及公眾假期：$9/每小時
＊此文章由和牛B的成長日記授權分享，原文網址：【放電好去處】坪石兒童遊樂場《恐龍公園》。超大、超好玩、超放電
坪石兒童遊樂場
地址：九龍平山彩石里
開放時間：早上6時至晚上11時