日落靚位！
想拍攝維港日落，好多人會揀太平山盧吉道。原來九龍區都有靚位！油塘魔鬼山頂係唔少龍友心水，天朗氣清日子就會體會到維港兩岸，以及將軍澳無敵大海景，雖然要上長命斜，真係有少少辛苦，不過上到山頂見到勁有歷史味道嘅碉堡遺址同埋個靚日落，乜都抵哂啦！
魔鬼山礁堡炮台
行山路線：油塘港鐵站 → 碧雲道 → 逆行衛奕信徑第三段 → 魔鬼山(炮台山) → 鯉魚門海傍 → 油塘港鐵站或三家村碼頭。
文字來源：香港人.遊香港／圖片來源：piuslolol,l___eo,vincentchan10,snufkin_kw,beautifulworld03,dream_attic