[博客授權分享：呀劍萬帥 親子旅遊 攝影札記 ]呢度可以話學習 ‧ 玩樂 ‧ 飲食於一身的全新親子好去處 Campfire Campus，除咗一般小朋友啱玩之外，就特別適合好似我呢款湊住一盅兩件一大一細的家庭，大就入去上堂，細就留遊戲室玩個夠。
▲其實早於暑假期間已得知Campfire Campus開幕，但一直都未搵到機會到此一遊，所以等了又等，到今個聖誕前夕，終於可以同兩兄妹來吃喝玩樂。
▲除咗兒童遊戲室內的粉紅粉藍波波海最吸睛之外，呢度的親子餐廳After3都係賣點，餐點都好好食喔！
▲Campfire Campus的地點在Google map上很快便找得到，一出將軍澳港鐵站A出口轉右過對面馬路，直向天晉2及Parkside方向步行若5分鐘。
▲先談談這個Co-learning的概念，就好似一個教育中心，讓各大小教學機構加盟進駐，由呢條走通道行入去，可見有好多不同課目及興趣班可以報讀。
▲這些教學機構再會與場地合作，不定期舉行活動及優惠，呢個概念實在好厲害喔！而餐廳則用上木感簡約的設計，整個氣氛都好舒服好Warm呀！
▲依家仲做緊優惠，食滿$150就送遊樂場玩1個鐘，不過到年尾咋！餐廳另一邊(遊樂場外面) 都有好多型格傢私，可以俾家長們等小朋友興趣班落堂時打發吓時間，喺度嘆番杯After3咖啡肯定叉番電！
▲入場朋友要先睇睇守則呀，著襪唔著鞋呢D大家知規矩啦！
▲場地唔算大，但係應有盡有，波波池、攀爬區同沙池區最大，可以俾小朋友足夠空間周圍玩。
▲攀爬區頂有個小木屋，小朋友就當係秘密機地，一開始入到去我都搵唔到哥哥同芊芊，原來佢哋就匿埋咗喺度！
▲我家哥哥都越嚟越大個，呢類遊樂場地都開始唔受佢玩，不過見今晚冇其他人，先至俾佢入去玩一陣啦！
▲呢個釣魚區有幾支魚竿俾小朋友玩吓釣魚釣鴨，芊芊就走咗去動物區釣大老虎，真係威！
▲波波池好大好深，可以成個人匿喺下面，係咪見唔到佢哋呢…波波池用鐵皮瀡滑梯，好有一種親切感，而且鐵皮滑梯會玩得更刺激！
▲又要講多次…呢個顏色組合的波波真係好靚！
▲而且遊戲室的沙池都係採用不貼身的幼沙，玩得也非常方便。
▲充滿太空感的沙池，小朋友完全可以全身落去玩，沙的質地幼細一點也不黐身。
▲場內仲有好多個小梳化空間，可以俾家長坐喺度休息下。
▲另設有小廚房同小帳篷，都係小朋友至愛的玩意。
▲亦有洗手區可以俾小朋友玩完洗洗手番去餐廳開餐。
▲餐廳都用木製傢私，還設有小孩專用桌子。
▲好細心的將每個枱角都包上軟墊，防止小朋友走出走入撞倒。
▲野食一D都唔馬夫，價錢合理，仲好好味！
▲玩完大拆一餐，對小朋友嚟講真係好滿足！
▲這味燒雞切開原來仲釀入菠菜。
▲餐廳還有個鋼琴俾大家自由彈奏，當然認真彈唔好變咗噪音啦！
Campfire Campus遊樂場 / After 3餐廳
地址：將軍澳至善街The Parkside商場1樓
電話：3618 9038 / 6113 3417
收費：星期一至五: 1大1小 $88/1小時, 另加大人$50位
星期六, 日及公眾假期: $108/1小時, 另加大人$70/位
After 3餐飲滿$150可以一大一小到遊樂場免費玩1小時（優惠至12月31日）
文字整理：香港人.遊香港／文字及圖片來源：呀劍萬帥 親子旅遊 攝影札記