元朗打卡:【港版木棉樹夾道!八鄉石崗軍營紅花打卡!】- 石崗軍營

八鄉石崗軍營木棉花

近年氣候轉變,木棉好多都開得半綠半紅,令攝友都失去影木棉英雄氣派既心情,不過唔緊要既,其實香港仲有地方既木棉仲開得好靚架!每年3月開始都將石崗軍營染成一片大紅!開花季節,軍營係一般都會讓市民欣賞木棉花盛開。如果想plan個full day trip,仲可以行埋甲龍古道tim!

八鄉石崗軍營木棉花夾道

▲每逢3月,石崗軍營都會染到一片紅。

八鄉石崗軍營木棉花夾道

▲兩邊夾道其實係一條小徑,唔算好長,木棉花好厚實朵朵點綴

八鄉石崗軍營木棉花草地

▲另一方接釀大草地,加上紅色花,構圖非常吸引!

八鄉石崗軍營木棉花

▲唔少龍友遊人揸車黎賞花。

八鄉石崗軍營木棉花

▲依家正係花開花落時間,所以大家小心花開時會中頭獎!

八鄉石崗軍營木棉花

▲木棉開得全盛時,好似被紅彤彤既火燃燒一樣

八鄉石崗軍營木棉花

▲石崗軍營位於元朗鄉郊地區,較少受城市污染,而且地方空曠,所以視覺效果亦係最好。

八鄉石崗軍營木棉花夾道 心形

▲有唔少遊人好用心咁堆砌木棉花心心

石崗軍營木棉道

地址:新界元朗石崗荃錦公路近石崗村
交通: 西鐵錦上路站乘專線小巴72(雷公田方向)或九巴51號, 於「石崗」站下車
注意事項:
⚠️請確保個人衛生,於人群之間請依然戴上口罩
⚠️請將用過口罩及垃圾帶走
⚠️請盡量選擇非繁忙時間到場參觀
⚠️由於石崗軍營係軍事要地,拍攝時請注意聲量

文字來源:香港人.遊香港 / 圖片來源:@phoenixjf、@im_devilkarytaikokman、@bily_yung