袋裝咖啡好出名
呢間首爾麻浦區地鐵望遠站附近嘅咖啡館 – REGULAR SERVICE COFFEE SHOP (레귤러서비스)，係韓國當地人氣高企。店內裝修簡單，仲有賣相唔錯嘅咖啡同袋裝嘅伯爵奶茶，十分特別而且攜帶方便！
▲呢包就係最出名嘅袋裝伯爵奶茶，每日限量發售一定數量，所以手快有手慢無!!不過袋裝伯爵奶茶係不能調較甜度，因為係入袋前係統一甜度，所以會較甜。
▲如果唔飲伯爵奶茶，其他飲品都係杯裝，杯裝設計簡單時尚，咖啡香醇順口，評價頗高。
▲餐牌用英文寫，所以旅客去到都唔怕睇唔明，而且向店員用英文落單都可以。
▲呢到牆身係水泥牆，令店內有一種工業Feel，天花板掛左好多嘅花叢同芒草，加添一啲自然。店中央有兩排長方形石椅，係有墊子供客人坐。
REGULAR SERVICE COFFEE SHOP (레귤러서비스)
地址：首爾特別市 麻浦區 世界盃路 25街58(首爾特別市 麻浦區 望遠洞 424-18)
營業時間：12:00-21:00 週一休
文字來源：香港人.歎世界/圖片來源：regular.service